Tagbilaran City, Mayo 5 (PIA)—MAHIMONG dili ang mga apektadong sector sa panakayan ang mabulahan sa
Tricycle ug jeepney Pantawid Pasada program sa kagamhanan.
Segun sa kasayuran nga napakatap, tungod kay ang hinabang napangalan sa tag-iya sa prangkisa sa
sakyanan o sa operator niini, may dakong posibilidad nga dili ang tigtubil nga driver ang makabenepisyo.
Hinuon, dili magamit ang Smart Card nga sudlan sa kwartang hinabang kon magpatubil nga dili dala ang
sakyanan kansang plaka nakalista sa card, matud sa mga tinugyanan sa Department of Energy.
Gihimo ang Pantawid Pasada Program agi og pagpakatay sa hinabang sa kagamhanan sa mga driver ilabi na
sa panahon nga menos ang sakay dala sa bakasyon sa mga estudyante.
Daghan usab sa Bohol ang nagtuo nga inay gikinahanglang mapa-apud-apod ang tabang sa buwan sa Mayo,
dili pa kini mapahimuslan sa kadaghan pa sa butang nga kinahanglang iproseso.
Ang Pantawid Pasada nga nasukip sa Executive Order No. 32 sa Malakanyang gihimo aron kubsan ang epekto
sa nagsakang presyo sa gasolina.
Dinhi, ang kagamhanan maghatag sa mga driver sa lehitimong mga sakyanang may prangkisa og rehistradong
pamasahero-an sa tabang nga balor sa P1,050 sa usa ka buwan. (Rey Anthony Chiu)