$11.5 B ang trade deficit nga nakita sa kagamhanan human nasinati sa tibuok kalibutan ang kalit nga pagsulbong sa presyo sa lana ug sa bugas.
Matud sa inter-agency Development Budget Coordination Committee (DBCC), ang $11.5B nga pagka-alkanse sa palit sa nasud wala nila damha dihang una nga gipagawas ang unang panaghap sa kahimtang sa palit sa gawas.
Ang trade deficit nagpasabot nga mas dako pa ang gasto-on sa nasud ngadto sa pagbayad sa gipalit niini kay sa iyang kita sa pagpamaligya sa gawas.
Dungan niini, 7 ngadto sa 10% na lang ang import growth samtang ang pagpamaligya gipakanaog usab sa 6 ngadto sa 5 % tungod sa paghinay usab sa panginahanglan sa gawas.
Sa napabag-o nga panaghap, ang pagpamalit sa nasud anaa sa $63.3 bilyones, samtang ang kitaon niini sa pagpamaligya ana-a lamang sa $51.787 bilyones.
Sa buwan sa Enero ngadto sa Abril, $16.86 bilyones lamang ang kita sa nasud samtang migasto kita og $19.462 bilyones dala sa kalit nga sulbong sa presyo sa lana ug bugas humay. (rachiu/PIA)