MANILA, July 1 (PIA)–Aron mas paspas ang pag-aksyon sa gobyerno, magbukas og 24-oras nga hotline ang administrasyon ni Presidente Rodrigo Duterte nga maoy tawagan alang sa mga sumbong sa publiko.
Miingon si Duterte sa labing una niyang cabinet meeting nga ang hotline 8888 ang modawat sa mga reklamo ug sumbong sa katawhan nga e-deretso sa matag ahensya sa gobyerno.
“I am setting up a complaint office 24 hours manned by 10 operators over the entire country,” matud pa ni Duterte sa iyang gabinete.
“The number would be 8888 and they can report to me any complaint and there will be a manager who will read their complaints with the proper office,” dugang sa sa bag-ong presidente nga nanumpa kagahapon.
Sa iyang kapin sa duha ka dekadang pagpamuno sa syudad sa Davao, nagtukod si Duterte og 24-hour emergency hotline 911 nga andam dayon moresponde.
Si Duterte ang ika-16 nga presidente sa Pilipinas human mokanaog sa puwesto kagahapon si kanhi Presidente Benigno ‘Noynoy’ Aquino III. (ecb/PIA7-Bohol)