TAGBILARAN CITY, April 13 (PIA)–Nipasidaan karon ang Philippine Atmospheric, Geophysical and Astronomical Services Administration (PAGASA) nga naa sa 30 pa ka probinsiya ang mahimong makasinati og grabeng huwaw karong bulana.
Matud pa ni PAGASA Acting Administrator Vicente Malano, tungod kini sa gipaabot nga mas mo grabe pang epekto sa El Niño phenomenon sa mga mosunod nga adlaw.
Apil sa posibleng maapektuhan sa grabeng huwaw ang Pangasinan, Nueva Ecija, Tarlac, Zambales, Occidental Mindoro, Palawan, Negros Oriental, Bohol, Siquijor ug 22 pa ka lugar sa Mindanao.
Nipasidaan ang PAGASA nga tungod sa grabeng kainit, gipaabot usab ang kakulang sa suplay sa tubig, pagkatap sa mga peste ug sakit.
Giingong dili lamang mga tawo ang makasinati og stress apan apil usab ang mga tanom ug kahayopan. (ecb/PIA7-Bohol)