MANILA, Jan. 02 (PIA)–Upat ka long weekend ang nagpaabot karong 2014.
Base sa Proclamation No. 655 nga gilagdaan ni Presidente Benigno ‘Noynoy’ Aquino III, magsugod ang long weekend sa Enero 31 (Biyernes) nga gi-deklarang special non-working holiday tungod sa Chinese New Year.
Long weekend usab ang Holy Week sugod Abril 17 (Hwebes Santo).
Adunay long weekend usab sa Agosto tungod kay itunong man kanunay sa katapusang Lunes sa buwan (Agosto 25) ang National Heroes Day.
Taas usab ang bakasyon alang sa Pasko karong 2014 tungod kay gi-deklarang special non-working days ang Disyembre 24 ug 26.
Mga regular holidays ang: Enero 1, Miyerkoles (New Year’s Day); Abril 9, Miyerkoles (Araw ng Kagitingan); Abril 17 (Hwebes Santo); Abril 18 (Biyernes Santo); Mayo 1, Hwebes (Labor Day); Hunyo 12, Hwebes (Independence Day); Agosto 25, Lunes (National Heroes Day); Nobyemre 30, Domingo (Bonifacio Day) ; Disyembre 25, Hwebes (Adlaw sa Pasko); ug Disyembre 30, Hwebes (Rizal Day).
Samtang ang mga special non-working holidays mao ang: Enero 31, Biyernes (Chinese New Year); Abril 19 (Sabado de Gloria); Agosto 21, Huwebes (Ninoy Aquino Day); ug Nobyembre 1, Sabado (All Saints Day).
Gi-deklarar usab nga special non-working days ang Disyembre 24 (Miyerkoles); Disyembre 26 (Biyernes); ug Disyembre 31 (Miyerkoles).
Special holiday usab alang sa tanang tunghaan ang EDSA Revolution Anniversary sa Pebrero 25, Martes.
Samtang i-anunsyo ra sa Malakanyang ang petsa sa Islamic holidays nga Eid’l Fitr ug Eid’l Adha. (PIA7-Bohol/ECB)
