TABANG pangkalambuan balor ug $500M gikan sa kagamhanan sa Japan ang nakuha sa nasud human sa upat ka adlaw nga pagbisita ni Presidente Gloria Macapagal-Arroyo di pa lamang dugay.
Sumpay ni Press Secretary Cerge Remonde, daghan pang kasabutan ang gilagdaan sa President tali sa pribadong sector sa Japan, sama sa Japan-Philippines Economic Partnership Agreement (JPEPA).
Nabuksan usab ni Mrs. Arroyo ang kahigayunan sa trabaho alang sa nurses, caregivers ug uban pang propesyonal ngadto sa Japan.
Gibutyag usab ni Remonde ang kasabutan sa Philippines ug sa Japan Bank for International Cooperation (JBIC) diin nalagdaan ang memorandum of understanding (MOU) sa pagpagawas sa mobalor sa bilyon nga ‘samurai’ bonds.
Ubos sa kasabutan, mogarantiya ang JBIC og $1B nga samurai bonds nga ikagasto sa Pilipinas aron gastohan ang budget deficit ug kalikayan ang epekto sa global crisis. (PIA)