MANILA, Mar. 31, 2014 (PIA)–Adunay nagpaabot nga halos 96,000 ka trabaho sa mga bag-ong mo-graduwar sa kolehiyo ug bisan sa mga tambay, sa mga pribado ug pampublikong korporasyon karon sa nasud.
Kini ang gipahibalo kagahapon ni Kalihim Herminio ‘Sonny’ Coloma Jr. sa Presidential Communication Operation Office (PCOO), mao nga gi-aghat niini ang mga bag-ong ni graduwar nga aplayan ang maong mga bakanteng trabaho.
“Pinahuhusay ng Department of Labor and Employment ang Phi¬l¬jobnet, ang siyang na¬ngungunang job search and job and skills matchin¬g portal sa Pili¬pinas, na naglalaman ng 95,935 na bakanteng posisyon sa iba’t ibang korporasyon, ahensya at kompanya mula sa pribado at pampublikong sektor,” matud pa ni Coloma.
Matud pa nga asistahan sa Department of Labor and Employment (DOLE), kauban na ang Professional Regulation Commission (PRC) ang mga bag-ong graduates aron makakuha sila dayon og trabaho.
Giingong mopahigayon usab ang DOLE sa pakigtambayayong sa Professional Regulation Commission (PRC) og application caravan ug e-services nga programa aron ipaduol ang serbisyo ug matabangan ang mga nilampos sa ilang pagtuon sa kursong nursing ug pagtudlo kanila sa pagkuha og permit alang sa ilang licensure examinations.
Gibanabanang mokabat sa 700,000 ang mga motapos sa Kolehiyo sugod karong bulan hangtud sa mga mosunod nga adlaw mao nga madugangan na usab og duha ka porsyento ang labor forces sa Pilipinas nga nikabat na sa 41.1 milyon niadtong 2013. (PIA7-Bohol/ECB)