MANILA, Feb. 6, 2014 (PIA)–Gipasalig sa gobyerno nga ipangapud-apud ang tanang yuta ubos sa Comprehensive Agrarian Reform Program (CARP) sa dili pa kini matapos sa Hunyo.
Gipasabot sa Department of Agrarian Reform (DAR) nga walay angay ikabalaka ang mga benepisaryo tungod kay nakalatid man sa balaod sa CARPER mga mahimong ipadayon ang pagpangapud-apud sa mga nahabiling mga yuta.
Gipahimutang na usab karon sa ahensya ang notices of coverage (NOC) alang sa kapin 4,000 ka landholdings.
Samtang gitakdang mohatag sa kalambuan sa implementasyon sa CARP dinhi sa lalawigan sa Bohol ang lokal nga buhatan sa DAR karong Pebrero 13, Huwebes.
Pagatambongan kini sa mga miyembro sa Association of United Development Information Officers in Bohol (AUDIO-Bohol) ug mga miyembro sa media nga ipahigayon didto sa ilang buhatan sa DAR Provincial Office, Bodare Building, sa Dao, syudad sa Tagbilaran. (PIA7-Bohol/ECB)
