MANILA, Feb. 18 (PIA)–Duha ka bulan sa dili pa ang deadline, nipahinomdum ang Bureau of Internal Revenue (BIR) sa publiko nga tarungon na ang mga dokumento sa pagduso sa ilang income tax return (ITR).
Malaumon si BIR Commissioner Kim Henares nga makab-ot o malabwan pa ang target nga koleksyon sa buhis karong tuig nga mokabat sa P1.45 trilyon.
Matud pa sa BIR, angay hinomdoman sa mga taxpayer ang mga biktima sa kalamidad sa Bohol, Leyte ug Zamboanga tungod sa buhis gikuha sa gobyerno ang parte sa pondo nga gigamit sa pagtabang sa mga naapektuhan.
Nipasidaan usab ang BIR nga gukoron nila ang bisan kinsang mapakyas sa pagbayad og buhis sa saktong oras ug wala sila’y pilion sa pagpaningil.
Adunay bag-ong ITR form ang BIR nga mahimong makuha sa ilang buhatan o di kaha e-download lamang sa ilang website nga www.bir.gov.ph. (PIA7-Bohol/ECB)
