MANILA, April 07, 2014 (PIA)–Nipasidaan sa publiko ang Philippine Drug Enforcement Agency (PDEA) batok sa nikatap nga gibaligyang bawal nga tambal nga fly high sa internet.
Kining maong tambal adunay sangkap nga methamphetamine hydrochloride nga hingpit nga gibawal sa nasud tungod sa makadaot nga epekto niini sa katilingban.
Una nang nasakmit sa PDEA ug Bureau of Customs (BoC) ang may 500 kabuok nga fly high sa post office sa Manila nga giingong gikan sa Netherlands.
Matud pa sa tigpamaba sa PDEA nga si Derreck Carreon, nahibaw-an nila ang maong matang sa kalihokan human nadakpan ang usa ka Indian national niadtong Marso nga giingong usa ka drug pusher. (PIA7-Bohol/ECB)
