PNoy, motambong sa Bali Democracy Forum
MANILA, Oct. 09 (PIA)–Mibiya karong adlawa si Presidente Benigno ‘Noynoy’ Aquino III padung sa Bali, Indonesia aron motambong sa Bali Democracy Forum.
Ang maong forum ipahigayon sa Bali International Convention Center sa Oktubre 10 ug 11.
Niadtong tuig 2012, 12 ka world leaders ug representatives gikan sa 81 ka nasud ug international organizations ang nitambong sa maong forum. Naa na karon sa ika-7 ka tuig, ang BDF nahimo nang nag-unang forum sa mga nasud sa Asya sa pagpa-ambit sa pagtan-aw, ideya ug pagtulun-an kabahin sa demokrasya.
Una kining higayon nga mahimamat ni PNoy ang bag-ong Indonesian President nga si Joko Widodo, nga mas gi-ila sa tawag nga “Jokowi,” nga napili niadtong Hulyo 22. Si Widodo ang nisunod ni Susilo Bambang Yudhoyono nga maoy nipasiugda sa Bali Democracy Forum (BDF) niadtong 2008. (ecb/PIA7-Bohol)
