Benepisyaryo sa agraryo,
makakuha og P2.32-B nga suporta
MANILA, Oct. 17 (PIA)–Ang Department of Budget and Management (DBM) nipagawas sa P2.32 bilyon ngadto sa Department of Agrarian Reform (DAR) alang sa pag-pondo sa implementasyon sa support services sa administrasyong Aquino sa mga benepisyaryo sa agraryo.
Ang maong P2.32 bilyon partial release lamang sa gigahin alang sa Program Beneficiaries Development (PBD), usa ka support service delivery component sa DAR. Ang maong pondo mapahimoslan sa mga grupo sa: agrarian reform beneficiaries (ARBs), nga makakuha sa dakung bulto sa maong kantidad nga mokabat sa P2.31 bilyon; rural women, nga makakuha og P4.3 milyon; ug landowners, nga makakuha og P4.3 milyon.
Tuyo sa PBD nga suportahan ang mga benepisyaryo sa Comprehensive Agrarian Reform Program (CARP) sa paghimo sa ilang mga yuta nga mas produktibo, pagtabang kanila sa pagmugna og income-generating livelihood projects ug pagtudlo kanila og community governance.
“Filipino farmers who’ve been granted land under the agrarian reform program will gain much from this fund release to DAR. Through the PBD, the beneficiaries can make their farms more productive and bring their produce quickly to the market, among others,” matud pa ni DBM Kalihim Florencio “Butch” Abad.
Gawas sa pagpa-usbaw sa ani ug kita lakip na ang pagtabang sa mga mag-uuma sa pag-organisar kanila, ang PBD motabang usab sa mga kababayen-an sa agricultural work force nga mamahimong micro-entrepreneurs isip parte sa push for gender equality sa DAR ubos sa CARP.
Gitahasan sa pagapod-apod sa yuta ngadto sa mga walay yuta nga mag-uuma ubos sa CARP, ang DAR nakahimo na sa pagapod-apod sa kinatibuk-ang 6.9 milyong ektarya nga yuta o 751,514 ektarya ubos ning administrasyon. Bisan nilapas na ang lugway sa CARP niadtong Hunyo 30, 2014, nagpadayon pa ang DAR sa mandato niini sa pagapod-apod sa mga nakuhang yuta sakop sa CARP lakip na ang pagsuporta sa mga benepisyaryo. (ecb/PIA7-Bohol)
