MANILA, Nov. 18 (PIA)–Dili lamang ang mga opisyal sa gobyerno ang angay mangandam sa pag-abot sa mga kalamidad sa nasud.
Tungod niini, nipahigayon og pulong-pulong ang National Disaster Risk Reduction & Management Council (NDRRMC) dungan sa International Day of Disaster Risk Reduction alang sa mga elderly ug persons with disability kabahin sa kun unsa ang ilang mahimo sa panahon sa kalamidad.
Matud pa ni Regional Champion for Disaster Risk Reduction and Climate Change Adaptation for Asia and the Pacific Sen. Loren Legarda, walay gipiling edad ang kalamidad mao nga angay nga matag miyembro sa pamilya adunay kahibalo kun unsaon pagluwas ang ilang mga kaugalingon.
“Resilience should be an attitude it should be part of our way of life, ang ating paghahanda sa mga natural hazards na nangyayari ay napakahalaga para hindi na mangyari muli ang nangyari sa Ondoy, Sendong, Pablo at Yolanda,” matud pa ni Legarda.
Dugang pa ni Legarda, kulang pa ang kaandam sa matag usa sa panahon sa kalamidad apan dili pa ulahi aron hingosgan kini.
Matud pa usab ni NDRRMC Usec. Alexander Pama nga mahinungdanon ang kahibalo ug kasinatian sa matag usa aron maluwas sa unsa mang kalamidad ang moabot sa nasud.
Matud pa sa NDRRMC, ang Pilipinas vulnerable o dayag sa mga kalamidad diin mokabat sa 20 ka bagyo ang moigo sa nasud matag tuig, gawas pa sa mga dili matagnang linog mao nga angay lamang mahimong andam ang matag usa. (ecb/PIA7-Bohol)
