OFWs makapahimos sa pag-ubos sa remittance fee sa mga G20 nga nasud
MANILA, Nov. 20 (PIA)–Ubsan sa mga nasud nga miyembro sa G20 ang remittance fee sa ipadalang salapi sa mga migrant workers apil na ang mga overseas Filipino workers (OFWs) karong Nobyembre.
Matud pa sa impormasyon, gikan sa 8%, ubsan kini og himuon nang 5%.
Ang mga nasud nga miyembro sa G20 mao ang Argentina, Australia, Brazil, Canada, China, France, Germany, India, Indonesia, Italy, Japan, Republic of Korea, Mexico, Russia, Saudi Arabia, South Africa, Turkey, United Kingdom, United States ug European Union.
Gikalipay kini sa Bangko Sentral ng Pilipinas (BSP) tungod kay dakung tabang kini sa ipadalang dolyar sa mga OFWs tungod kay madugang kini sa ilang ipadalang salapi sa nasud.
Nanghinaot ang BSP nga malabwan karong tuig ang record high nga P25 bilyon remittances niadtong 2013.
Matud pa nga ang Pilipinas ang may pinakadakung remittance sa tibuok kalibotan ug kadaghanan sa mga gipadala gikan sa Estados Unidos, Saudi Arabia, Singapore, UK, Hongkong ug Canada.
Gipaabot usab nga mosaka pa ang ipadalang dolyar karong buwan sa Nobyembre ug Disyembre tungod sa pagpangandam sa kapaskuhan. (ecb/PIA7-Bohol)
