Tagbilaran City, Bohol, March 24, (PIA) – May bag-o na nga mga opisyales and Bohol Information Communication Technology Council (BICTC), kini human sa piniliay atul usab sa planning workshop nga nahitabo niadtongunang semana sa Marso, didto sa Panda Tea Garden Resort.
Si Delilah Biliran, kinsa representante sa Alturas Group of Companies, maoy natumbok nga tsirman samant si Engr Jerome Auza sa Auza.net maoy napili nga vice-chair.
Si Ashley Uy, kinsa representante sa TechTalks.ph maoy napili nga kalihim samtang si Amie Rosarie Caballo ang napili nga mamahandi.
Auditor usab si Dahlia Melda T. Magno samtang si Romeo Teruel, kinsa representante sa kagamhanang probinsyal, maoy natugyanan isip Public Relations Officer.
Trustees sila Ben Skelton (Taguihon Internet Research), Roy Bayonas (PrintBit), Benjie Jamora (B&J Computer Systems), Santino Paredes (ETC Solutions), Maricel Golosino (Globe Telecommunications), Marlis Badiang (Phil. Call Center Institute), Melvin Soldia (BISU) ug si Dalareich Polot (HCIERRD Web and IT Solutions).
Gawas sa Agricultura ug Industriya nga ubay niini ug sa damgo niini nga mamahimong sentro sa eco-cultural tourism nga mga suroyanan, ang Administrasyon ni Gobernador Edgar Chatto, mitumbok na sa information communication technology isip usa sa mga kasaligang makina nga makapa-ugmad sa Bohol ug sa kapid an ka mga Bol-anon.
Tumong usab sa BICTC, nga subay sa damgo sa Administrasyon, nga makapasugod na sa call center ug business proicess outcourcing dinhi sa Bohol.
Gikan karon, hangtud sa sunod tuig, gilaraw na sa BICTC nga maka-agni og mga mamumuhunan sa BPO aron kapugngan na ang mga bag-ong mitapos sa pagtungha sa pagpanggawas sa Bohol aron adto manimpad sa laing lugar.
Mokabat sa 5,000 ka mga seats ang gihimong target sa BICTC alang sa 2016, kini bisan pa nga padayon pagihapon ang mga lakang sa pagsumpay sa Bohol ngadto sa fiber-optic hubs sa Sugbo ug Cagayan de Oro, butyag ni Delailah Biliran, tsirman.
Ang Bohol, ilabi na ang Tagbilaran, usa na sa mga natumbok nga new-wave cities diin gitagna nga magsugod ang milagrosong negosyo sa BPO. (rac/PIABohol)
