MANILA, July 20 (PIA)–Gitugyan na sa Department of Health sa mga opisyal sa lokal nga kagamhanan ang pag-monitor sa mga tighimo og pagkaon ug uban pang mga produktong gibaligya sa publiko.
Matud pa ni DOH Kalihim Janette Garin, walay igong katakos ang DOH aron i-monitor kini ilabi na nga daghan ang tighimo niini sa nagkalain-laing suok sa nasud.
Alang sa kalihim, adunay igong gahom ang mga LGUs tungod kay sila man ang mag-issue og permiso sa mga matag lugar nga ilang gisakopan sa mga permits ug adunay mga sanitation department usab aron motan-aw sa nagkalain-laing mga establisyemento.
Matud pa sa kalihim nga daghang katawhan ang nagsalig usab sa ingon aning klaseng mga negosyo.
Gihangyo na lamang sa Kalihim nga mag-amping gayud ang mga tighimo og bisan unsang pagkaong produkto pinaagi sa pagbaton kanunay og limpyong panglawas ug palibot. (ecb/PIA7-Bohol)
