MANILA, Dec. 14 (PIA)–Sugod Enero sa sunod tuig, mahimo nang makakuha og libreng tambal nga pang-maintenance ang mga adunay sakit nga hypertension ug diabetes gikan sa ilang mga Regional Rural Health Units.
Kini ang gibutyag ni Department of Health (DOH) Kalihim Janette Garin kagahapon diin iyang gi-aghat ang mga nag-antos sa maong sakit nga magpa-miyembro sa ilang Department of Health ‘Hypertention and Diabetic Club’.
Matud pa sa Kalihim nga tuyo niining maseguro nga regular nga masusi ang mga pasyente nga nag-antos sa maong sakit aron malikayan ang pag-grabe niini.
Giingong ang mga Regional Rural Health Units ang magpadala sa kumpletong listahan sa mga pasyenteng nagpalista. (ecb/PIA7-Bohol)
