USA si Department of Social Welfare and Development (DSWD) Secretary Esperanza Cabral sa mga dinapit sa nagsingabot nga 2008 Bohol Poverty Reduction and Development Initiatives Fair sa Huwebes adto sa Bohol Cultural Center.
Si Sec. Cabral, kinsa ikatulo sa mga pinakamaayo nga sakop sa kabinete, mohatag sa iyang pakigpulong atul sa pagbukas nga seremonyas sa kalihukang gipasiugdahan sa Bohol Provincial Planning and Development Office (PPDO) sa Kapitolyo.
Gawas ni Sec. Cabral, si DA Secretary Arthur Yap, Asian Development Bank’s (ADB) Country Director Nareej maoy mga dinapit.
Didto sa Fair, ang 47 ka lungsod magpakita sa ilang mga proyekto batok sa kawad-on nga ilang gipahatan ug gipundohan kauban sa mga funding agencies.
Sa milabay’ng 2 ka tuig, ang DSWD, pinaagi sa programang Kapit-Bisig Laban sa Kahirapan – Comprehensive and Integrated Delivery of Social Services (KALAHI-CIDSS), nagsuporta sa mga paningkamot sa Bohol pagpakunhod sa kawad-on.
Usa ang Bohol sa 42 ka lalawigan ning nasud nga nabulahan sa KALAHI-CIDSS. (PIA)
