TAGBILARAN CITY, Mar. 21 (PIA)–Gipangunahan mismo ni Department of Health (DOH) Kalihim Janette Garin ang pagtunol karong adlawa sa Tamang Serbisyo para sa Kalusugan ng Pamilya o TSeKap package alang sa 418 ka accredited barangay health stations sa lalawigan sa Bohol.
Ang maong TSeKap package nagsulod sa digital BP apparatus, non-contact thermometer, glucometer, nebulizer, stethoscope ug dressing set.
Si Garin ang pinasidunggang mamumulong sa gipahigayong Barangay Health Workers Congress karong adlawa sa Bohol Cultural Center.
Ang Kalihim nagkanayon nga sa mga lugar nga wala pay barangay health stations, ang DOH maghatag og school based stations.
Gipahinumdoman usab ni Garin ang mga barangay health workers sa pagka-anaa na sa mga maintenance medication alang sa hypertensive ug diabetic nga pasyente sa mga rural health centers.
Gitumbok sa Kalihim nga kining mga programa sa panglawas nagpakita lamang sa pagtubag sa nasudnong kagamhanan, ubos sa pagdumala ni Presidente Benigno ‘Noynoy’ Aquino III sa pagkab-ot ug pagahom sa mga lungsoranon nga mahimong aktibo sa pagsalmot sa maayong pagpamuno. (ecb/PIA7-Bohol)
