MANILA, Mar. 22 (PIA)–Human sa Semana Santa, ipagawas na sa Commission on Elections (Comelec) ang mga sumbanan kalabot sa ipahigayong pagbotar sa mga shopping mall.
Matud pa ni Comelec Chairman Andres Bautista, makapahimos niini ng mga botante nga nagpuyo duol sa mall.
Giingon usab nga dili tanan ang mahimong mobotar sa ipahigayong mall voting tungod kay ang mga naa sa listahan lamang nga gipili base sa kaduol sa gipuy-an sa shopping mall.
Una nang nagpagawas ang Comelec og listahan sa mga botante nga mahimong mobotar diin hatagan og notice ang matag botante.
Mokabat sa 250,000 ka botante ang tugotan sa poll body nga mobotar sa naa sa 86 ka mga mall sa tibuok nasod.
Gitataw usab sa ahensya nga wala nagpabayad ang mga mall sa pagpahigayon og mall voting apan ila kining corporate responsibility. (ecb/PIA7-Bohol)
