MANILA, Mar. 29 (PIA)–Gipahinumdom sa Commission on Elections (Comelec) sa mga lokal nga kandidato alang sa Mayo 9 nga piniliay ug sa ilang mga dumadapig nga sundon gayud ang mga gipatuman nga campaign rules.
Kini, agi na usab sa gipaabot nga pag-arangkada og maayo karong semanaha sa kampanya sa mga kandidato sa mga lokal nga posisyon.
Matud pa sa tigpamaba sa Comelec nga si Atty. James Jimenez, kinahanglang sundon sa mga kandidato ang nakalatid sa Republic Act 9006 apil na ang implementing rules and regulations sa poll body.
Gawas sa mga migadan nga kandidato, miingon si Jimenez nga angay makighiusa usab ang mga dumadapig sa mga kandidato.
Gikumpirmar usab ni Jimenez nga adunay mga reklamong nakaabot sa Comelec niadtong Biyernes Santo, diin gidili ang pagpangampanya.
Marso 25 o Biyernes Santo natunong ang pagsugod sa campaign period, apan gi-atras kini ug gihimong Sabado de Glorya.
Matud pa ni Jimenez, may mga misumbong sa paglapas sa campaign ban nga gi-imbestigahan na karon sa komisyon.
Subling gi-awhag ni Jimenez ang publiko nga mahimong magbinantayon ug bukas sa pagpaabot sa Comelec sa mga reklamo pinaagi sa social media hotline og poll body nga #SumbongKo. (ecb/PIA7-Bohol)
