GIPANG-APUD-APOD ni Presidente Gloria Macapagal-Arroyo ngadto sa 6 ka mga lideres sa kwalisyon sa mga Tricycle Operators and Drivers Association (TODA) ang Pepeng Pasada Diskwento ug Philhealth cards sa usa ka programang gihinganlag “Todo Bigay”.
Gisaksihan sa kapin sa 2,000 ka tricycle operators ug drivers didto sa SM Mall of Asia ang pagpanghatag sa P1 nga diskwento gikan sa Pilipinas Shell nga gamiton sa mga driver sa matag patubil sa bisan asa nga gasolinahan sa Shell sa tibuok nasud.
Gitunol usab sa Presidente ang 1,000 nga PhilHealth cards nga balor ug P1.2 milyones nga insurance coverage sa tabang ni Health Secretary Francisco Duque III.
Niini, nagpaabout usab ang mga taga Bohol nga madala na sa ilang gisakopan nga TODA aron usab kini nga benepisyo ikapang-apod-apod na usab dinhi agi ug tabang sa mga driver nga nagping-it pa sa kalisud sa pagmahal sa gasoline ug pisa dala sa krisis sa lana. (rachiu/PIA)
