MANILA, August 2 (PIA)–Gisugdan na sa Bureau of Internal Revenue (BIR) ang lifestyle checks sa ilang mga kawani.
Matud pa ni BIR Commissioner Cesar Dulay, tumong sa lifestyle check nga matumbok kun kinsa sa mga empleyado ang mi-abusar sa ilang posisyon.
Katambayayong sa BIR ang Land Registration Authority (LRA), Land Transportation Office (LTO) ug National Bureau of Investigation (NBI) nga nagpahigayon og background checking sa mga kawani sa BIR.
Pila ka higayon na usab miingon si Dulay nga ilang ipatuman ang ‘no gift’ policy sa ilang buhatan sa tibuok nasod. (ecb/PIA7-Bohol)
