MANILA, January 30 (PIA)–Giseguro sa Duterte administration nga walay kabag-ohan sa ginadawat nga exemption sa value added tax (VAT) sa mga senior citizens ug persons with disabilities (PWDs) sa gidusong tax reform karon sa gobyerno.

 

Kini ang gi-anunsiyo ni Department of Finance (DoF) Undersecretary Karl Kendrick Chua atol sa press briefing sa Malakanyang niadtong Biyernes, Enero 27.

 

“Ang good news po dito, ang senior citizen VAT exemption at sa PWD ay hindi tatanggalin pero ang gagawin po natin ay aayusin po natin ‘yung sistema. For example through a national ID para ‘yung leakage ay maiwasan, na ang benepisyo lang ay mapupunta sa tamang tao,” matud pa ni Chua.

 

Gitin-aw ni Chua nga tinguha sa ipatuman nga tax reform nga mapakunhod ang poverty rate sa nasod gikan sa 22%, himuong 14% nga mahimong dalan aron ang Pilipinas mahimong middle-income nga nasod sa tuig 2022.

 

Matud pa ni Chua nga ang tax reform parte sa 10-point socioeconomic agenda ni Presidente Rodrigo Duterte.

 

Mi-apela usab si Chua sa pipila ka naglantaw sa tax reform isip pabug-at lamang nga tan-awon ang kinatibuk-ang epekto niini sa nasod. (ecb/PIA7-Bohol)