Nabalaka pag-ayo si Presidente Gloria Macapagal-Arroyo sa mga biktima sa barko nga “MV Princess of the Stars” nga nalunod niadtong Sabado tungod sa bangis sa bagyong Frank.
Matud pa ni Kalihim sa Prensa Jesus Dureza, nagsige og ‘monitor, ang Presidente sa gihimong ‘rescue operations’ sa Navy aron pagluwas sa mga pasahero nga posibling na “trap” sulod sa barko.
Nabalaka pag-ayo ang presidente, samtang gusto niyang mahibalo-an kon ngano nga gipalarga ang barko bisan kon adunay bagyo, dugang ni Dureza.
Mipatawag dayon ug tigum ang presidente sa mga sakop sa Kabinete nga mikuyog niya sa Estados Unidos aron masayran ang kabaguhan sa gihimong pagluwas sa mga biktima.
Gipangayu-an usab sa Presidente og tubag ang Coast Guard ug DOTC kabahin sa maong trahedya.
Bag-uhay pa lang gipang-kansela ni kalihim sa DOTC Leandro Mendoza ang biyahe sa mga barko sa Sulpicio Lines samtang gihimo pa ang imbestigasyon.
Ang Presidente ana-a na sa ika-pitong adlaw sa iyang opisyal nga pagdu-aw sa Estados Unidos aron paghimo og tigum sa mga opisyales ug lideres sa mga magpapatigayon didto, lakip na ang pakigtagbo sa mga sa mga Pilipino didto. (PIA/Bohol)
