SA NAMATIKDANG hinay nga pagdaos-os sa presyo sa bugas humay, gitumbok sa mga tinugyanan ang pagpabaha sa kagamhanan sa subsidized nga bugas humay maoy nakaingon nga mikubos sa labing menos P2 alang sa presyo sa commercial nga bugas.
Matud ni Director Romeo Recide sa Bureau of Agricultural Statistics, ang presyo sa commercial rice mi-stabilize na bisan pa sa nagsingabot nga buwan sa Julyo-Septembre nga tingnihit.
Butyag niya nga ang usa ka buwan nga “selective bombardment” sa NFA rice sa kamerkadohan ug ang paglutos sa kagamhanan sa mga negosyanteng misakay sa panahon, nagbunga ra gayud.
Sa iyang taho ngadto kang Agriculture Secretary Arthur Yap, si Dir Recide mipasabot nga ang pagkubos sa tag P2 sa presyo sa bugas sa Metro Manila ug sa ubang mga rehiyon timailhan na nga nagbunga ang lakang sa kagamhanan.
Gikalipay -aw usab ni Yap ang pagkubos sa presyo tungod kay kini sukwahi sa gikahadlokang pagtaas unta tungod sa padayong tingnihit ning mga buwan.
Gani, iya usab nga gipadayag nga duna pay igo nga stockpile ang kagamhanan aron ikapadayon sa pagpabaha sa baratong bugay aron ipaubos pa ang presyo sa retail ug hingpit na nga pordoyon ang mga negosyanteng ming sakay sa panahon.
Gikataho nga may 350,000 metriko toneladas (MT) o 7 ka million ka sakong bugas ang gibubo sa NFA aron kini mahitabo. (rachiu/PIA)
