GIDEPENSAHAN ni Cabinet Secretary Silvestre Bello III ang mga byahe sa gawas ni President Gloria Macapagal Arroyo nga miani na ug pagsaway sa oposisyon isip pagwaldas sa kwarta sa kagamhanan.
Matud ni Bello, ang lakaw sa Presidente naghimog kaayohan sa nasud ilabi na sa pagpangitag kasudlang trabaho sa mga Pinoy, pagpasulod sa negosyo ug pagtagik sa relasyon sa mga nasud.
Pasabot ni Bello, “mas daghan pang benepisyong maani sa nasud kon itandi sa nagasto sa mga lakaw sa Presidente.
Sa bayahe sa Dubai panaglit, gitumbok niya nga 200,000 ka trabaho ang nabuksan alang sa mga Pinoy sahi pa sa mga negosyo nga misanong sa pagpang-agni sa mga pangulo sa nasud. (rachiu/PIA)
