TALIWA sa pagtoo nga dili na kaapas ang Commission on Elections sa paghulip sa panahong nawagtang sa pagsubasta alang sa automated elections, gibutyag sa ahensyang gisangonan sa buhaton sa piniliay nga naningkamot silang makaapas pa sa oras.
Ning bag-o lang, nakakaplag na ang ahensya sa labing ubos nga bidder, laing special committee sa komisyon ang gitahasang dunggon ang mga pending nga mosyon sa mga unang bidder nga na-disqualify sama sa Sequia Voting Systems, FF Cruz/Gilat ug AMA ES&S.
Nakita na sa Special Bids and Awards Committee (SBAC) ang Smartmatic-Total Information Management consortium nga may maka-ayo nga bid nga P7.2B ug maglakip sa 82,200 ka kompyuter human matimbang ang mga financial bids alang sa pag-automate sa piniliay sa 2010.(PIA)
