NAPULO lang ang opisyal nga delegasyon sa Pilipinas nga uban sa Presidente ang gipletehan sa kagamhanan, ang ubang mikuyog maoy nagbayad sa ilang pletehan.
Kini maoy pasabot ni Press Secretary Cerge Remonde sa akusasyon ni Senador Ping Lacson nga kapin na sa usa ka bilyon ka pesos ang nagasto sa Presidente ug mga magbabalaod sa ilang pagbyahe sa abroad.
Gipatin-aw ni Remonde ang panginahanglan nga gikinahanglan sa Presidente ang tabang sa ubang nasud aron magmugna ug patigayon ug oportunidad sa pag-ugmad ilabi na sa mga labor markets alang sa atong Overseas Filipino Workers (OFWs).
Ang iyang lakaw tabang aron kita makalahutay ug aron mamahimong lig-on ang atong ekonomiya atubangan sa global ug ekonomikanhong krisis. (PIA)
