ANG Department of Interior and Local Government kon DILG nimugna og task force nga mosusi sa nahitabong hostage crisis sa Quirino Grandstand sa Manila niadtong Lunes nga ni resulta sa kamatayon sa walo ka turistang Intsik.
Ang kalihim sa DILG nga si Jesse Robredo nagkanayon nga ang maong hiniusang task force sa DILG ug Department of Justice kon DOJ mo tino sa mga panghitabo sa maong insidente ug kinsa ang angay manubag sa dugoong panapos nga eksena sa krisis.
Gibutang si Police Superintendent Francisco Peñaflor, ang Special Police Assistant to the Secretary, nga maoy mangulo sa hiniusang task force.
Matud pa ni Robredo nga ang giingong task force mohimo’g imbentaryo sa mga available gadgets ug kahimanan ug mo review sa standard operating procedures sa pagdala og hostage crisis.
Gi dugang usab ni Robredo nga iyang imandu ang pag-subli sa media protocols ug makipag-pulong sa mga broadcast leaders aron pagtuki ug pag-uyon sa usa ka polisiya sa panahon nga adunay delikadong sitwasyon sama sa hostage crisis. (PIA-Bohol)
