TAGBILARAN CITY, Aug. 4 (PIA)–PLANO sa Commission on Human Rights (CHR) nga mag- inspeksyon sa 17 ka training camps sa Philippine National Polcie (PNP). Matud pa ni CHR Chairperson Loreta Ann “Etta” Rosales, himuon nila kini tungod sa pinakabag-ong
insidente sa hazing nga nahitabo sa Camp Eldridge sa Los Baños, Laguna diin nakita sa videong nadawat sa komisyon ang maka-alarmang insidente sa hazing sa mga police trainees.
Gusto nilang personal nga makita ang mga aktibidad sulod sa mga training camp aron matino kun unsa ang mga aksyong ipatuman sa liderato sa PNP aron malikayan ang pagpanglisod-lisod sa mga
police recruit.
Giingong makig-alayon usab sila sa Human Rights Affairs Office sa PNP aron mapatuman ang preventive monitoring sa mga training camp ug malikayan ang maka-alarmang insidente sa hazing.
Gisibak na sa pwesto ug gibutang sa restrictive custody ang walo ka police trainors nga parehong adunay ranggo nga Police Officer 1 nga giilang sila Roque Oro, Evan Mark Cuartero, Jhun Plonelo, Melvin Malihan, Rovylyn Addatu, Marfe Adler, Allan Pascua ug Troy Sumayod. (PIA-Bohol/ecb)
