DILI na tangtangon ang gipataw nga expanded value added tax (EVAT) sa imported nga lana, matud ni Presidente Gloria Macapagal Arroyo, ug hinuon ang mahipos niini iuli sa mga tawo pinaagi sa cash transfer loans ug mga scholarships.
Kapin kon kulang P18B ang gidahum nga matigum sa kagamhanan sa EVAT sa inangkat nga lana gikan sa gawas ug P4B niini gamiton sa kagamhanan sa maong katuyuan.
Ang P2B sa P4B, madugang sa pundo sa Department of Social Welfare and Development (DSWD) alang sa ilang programang ”Ahon Pilipino.”
Laing P1B ang pundo nga itagana sa pagpa-usab sa mga makina sa sakyanang pampubliko gikan sa krudo ngadto na sa liquefied petroleum gas o compressed natural gas.
Ang nahibilin nga P1B maoy pundo nga kuhaan alang sa scholarships ug high school vouchers sa tag P10,000 matag estudyante nga benepisaryo. (rachiu/PIA)
