TAGBILARAN CITY, Bohol, Aug. 07 (PIA)–Masaligon ang Malakanyang nga daling mapasar ang proposed P2.268 trilyon 2014 National Budget.
Gihimo ni Budget and Management Sec. Florencio “Butch” Abad ang maong pahayag atubangan sa pagsugod sa budget deliberation karong adlawa sa Kamara.
Matud pa ni Abad, kini ang gilauman nga magpatunhay sa fiscal momentum ug mopasaka sa inclusive growth sa nasud.
Si Abad nagkanayon nga kampante silang madepensaan ang detalye sa proposed budget ilabi na ang mga gibobo nga pondo sa CCT ug uban pang social services.
Nitambong ganina sa pagdungog ang nagmugna sa Development Budget Coordinating Committee (DBCC) nga gilangkuban sa DBM, National and Economic and Development Authority (NEDA), Department of Finance (DoF) ug Bangko Sentral ng Pilipinas (BSP).
“We look forward to discussing the finer details of the 2014 National Budget with our colleagues in Congress, and are likewise confident that the Lower House will pass the expenditure program within schedule, as instructed by President Aquino. The timely passage of the Budget will be critical in ensuring the swift implementation of the Administration’s priority programs and projects next year, especially as we intensify our efforts at enhancing the expenditure process to bring rapid, inclusive, and sustainable growth to the country,” matud pa ni Abad. (PIA-Bohol/ecb)
