DUHA ka bilyon ka pesos nga laraw alang sa pagpahiuli sa kalasangan sa nasud ang gibutyag ni Environment Secretary Lito Atienza sa iyang pag-anhi dinhi sa Bohol.
Ang pamahayag gipadayag ni Sec. Atienza samtang namulong atubanagn sa nga sakop sa Society of Filipino Foresters Inc. kinsa naghimo sa ilang nasudnong tigum dinhi.
Matud ni Atienza, ang P2B nga pundo maoy gamiton sa kagamhanan aron ibalik ang 35 m ektaryas nga kalasangang napapas human sa abuso sa pagpamutol ug paggamit sa mga produkto gikan sa lasang.
Hinuon, sahi sa nasandang programa sa kagamhanan, ang pagpahiuli sa kalsangan karon adto na itugyan sa mga komunidad nga direktang tua sa mga lugar nga ipahiuli ug dili na itugyan ngadto sa mga mangontrata sa pagpatanum.
Kaniadto, nipalpak ang reforestation program sa kagamhanan tungod sa dili community-based ang pamaagi sa pagpahiuli sa kalasangan ug upland areas, matud ni Arienza. (rachiu/PIA)
