TAGBILARAN CITY, Bohol, Sept. 3 (PIA)–Gilagdaan na ang balaodnon nga magpalapad sa coverage sa Science and Technology Scholarship Program diin nakatutok kini sa pagdugang sa mga kwalipikadong magtutudlo sa Math ug Science sa maong programa.
Kini ang Republic Act No. 10612 o ang “Fast-Tracked S&T Scholarship Act of 2013” nga gilagdaan ni Presidente Benigno ‘Noynoy’ Aquino III niadtong Agosto 23.
Kining bag-ong balaod ang hiniusang Senate Bill No. 3400 ug House Bill No. 6860 nga gipasar sa Senado ug Ubos Balay Balaoranan niadtong Hunyo 6, 2013.
“This Act builds on the current Science and Technology Scholarships offered by the Department of Science and Technology (DOST), through its Science Education Institute (SEI), as provided for in Republic Act No. 7687, otherwise known as the “Science and Technology Scholarship Act of 1994,” matud pa sa Presidente.
Gawas sa scholarship, may uban pang dugang mga incentives nga madawat ang mga kwalipikadong tinun-an ug magtutudlo niining scholarship program.
Ang DOST-SEI ang gitahasan alang sa evaluation, award-giving ug monitoring sa scholarship grants ug awardees.
Samtang gitahasan ang Department of Education (DepEd) sa pagsiguro sa job placement ug hiring sa mga kwalipikadong graduates ubos niining programa isip secondary school teachers sa science, mathematics ug related technology courses ug pagsiguro nga ang mga magtutudlo nga kuhaon sa Special Science Teacher mga salary grade levels.
Gitahasan usab ang DepEd alang sa evaluation ug monitoring sa mga hired teachers ubos niining programa. (PIA-Bohol/ecb)
