TAGBILARAN CITY, Bohol, Sept. 4 (PIA)–Hugot nang gipatuman sa Commission on Elections (Comelec) ang gun ban sugod pa niadtong unang adlaw sa Setyembre 2013 ug molanat kini og tulo ka buwan.
Ang maong gun ban kalabot sa nagsingabot nga barangay ug SK eleksyon sa Oktubre 28.
Nanawagan si Comelec Commissioner Lucenito Tagle sa mga wala pa niduso sa ilang application for exemption nga moadto na samtang sayo pa mga buhatan sa Comelec aron ma-proseso dayon ang ilang exemption.
Apan gitataw ni Tagle nga ang mga aduna nay aplikasyon kaniadto pang niaging midterm election, subject for renewal na lamang. (PIA-Bohol/ecb)
