TAGBILARAN CITY, Bohol, Sept. 5 (PIA)–Gilagdaan na ang implementing rules and regulations sa Republic Act 10533 o ang “Enhanced Basic Education Act of 2013”.
Ang maong IRR maoy mogiya sa pagpatuman sa K-12 program sa Department of Education (DepEd) nga mopauswag sa 12 ka tuig nga basic education gawas pa sa usa ka tuig alang sa kindergarten.
Gitambungan nilang Education Secretary Armin Luistro, Technical Education and Skills Development Authority (TESDA) Director General Joel Villanueva ug Commission on Higher Education(CHED) Chairperson Patricia Licuanan ang seremonya nga maoy sinyales sa pagsugod sa maong programa.
Gipakita sa DepEd ang mga model senior high school nga magbaton og pagbansay sa cosmetology, food and beverage services, garments, ug uban pa.
Gawas sa curriculum, mopili ang mga estudyante sa tulo ka “career pathways”: academic; technical-vocational livelihood; ug sports and arts.
Nagtuo ang DepEd nga daku kini og tabang aron daling makakita og trabaho ang mga estudyante nga molampos sa ilang pagtuon. (PIA-Bohol/ecb)
