MANILA, October 24 (PIA)–Mauna sa makapahimos sa mga pondo gikan sa mga kasabotang naumol sa pagbisita ni Presidente Rodrigo Duterte sa China ang sektor sa agrikultura.
Matud pa ni Presidente Duterte, mahimong prayoridad sa iyang administrasyon ang agrikultura, edukasyon ug kahimsog.
Kini nagpasabot nga dakong parte sa naule niyang gibanabanang $24 bilyong kantidad sa kasabotan ang maadto sa tulo ka nahisgotang sektor.
Gibutyag usab sa Presidente sa iyang mensahe sa Isabela nga gimanduan na niya ang Philippine Amusement and Gaming Corp. (PAGCOR) nga idirekta ang ilang kita sa pagtabang sa pagpatambal sa mga adunay sakit sa nasod.
Gitataw usab sa Presidente nga bisan nagbaton na og mga kabag-ohan sa iyang mga prayoridad, nagpabilin pa gihapon ang hugot nga kampanya sa gobyerno batok sa ilegal nga droga.
Matud pa nga dili mahunong ang ingon niining sitwasyon hangtud dili mapatay ang katapusang drug lord sa nasod. (ecb/PIA7-Bohol)