by admin | Dec 15, 2016 | Local News / Bohol Balita, Major Events
TAGBILARAN CITY, December 15 (PIA)–The BangkoSentralngPilipinas (BSP) reminded the information officers of the local government units and national government agencies about the December 31, 2016 deadline to swap holdings of New Design Series (NDS) paper bills.
During the general assembly meeting of the Association of United Development Information Officers in Bohol (AUDIO-Bohol) recently hosted by BSP, Bank Officer Hazel Cultura said the old NDS banknotes launched in 1985 will fully lose monetary value starting Jan. 1, 2017.
Cultura added that under Section 57 of Republic Act (RA) No. 7653 or the New Central Bank Act, the BSP may replace notes of any series that are more than five years old and coins that are more than 10 years old.
The BSP defines demonetization as “the process of removing the monetary value of a legal tender currency by the issuing authority.”
However, Cultura clarified that only paper bills are included in the latest demonetization.
She said holders of NDS can still exchange NDS paper bills at face value in banks, the Cash Department of the BSP and the various BSP offices nationwide.
For NDS notes that are subject of court cases, it can be exchanged within six months after the corresponding legal cases have been terminated.
Clerks of Courts and law enforcement agencies were given an extension to swap their NDS from end of December 2016 to January 31, 2017.
Meanwhile, for overseas Filipino workers (OFWs), they are also allowed to swap their NDS holdings outside of the period given to the public.
OFWs are required to register their NDS holdings with the central bank through online application at https://orbs.bsp.gov.ph that started last October 1. The NDS holdings can be swapped within a year after the registration.
OFWs are allowed to swap up to P50,000 worth of NDS holdings in line with the 11th foreign exchange liberalization of the central bank.
“For those who are situated in war torn countries, the deadline for exchange is extended to 31 December 2017. There is no need for them to register,” Cultura said. (ecb/PIA7-Bohol)
by admin | Dec 15, 2016 | Headlines, National News
MANILA, December 15 (PIA)–Ipagawas na sa sunod semana sa Bangko Sentral ng Pilipinas (BSP) ang mga bag-ong salaping papel nga nilagdaan na ni Presidente Rodrigo Duterte.
Matud pa ni BSP Governor Amando M. Tetangco, andam na ang unang batch niini ug gipaabot nga mapagawas na kini sunod semana human makumpleto ang proseso sa releasing sa mga bangko.
Sukad karon, mag-imprenta lamang ang BSP og mga salaping papel nga adunay lagda ni Presidente Duterte ug giingong gitan-aw na usab nila nga makapagawas og mga bag-ong sinsilyo.
Kalabot niini, gipahinomdoman usab sa BSP ang publiko kalabot sa demonitization sa mga daang salaping papel ubos sa New Design Series (NDS) sa dili pa ang deadline niini sa Disyembre 31.
Sugod sa Enero 1, 2017, dili na dawaton ang mga daang salaping papel ubos sa NDS nga gi-imprenta niadtong tuig 1985 ug kadto lamang mga salaping papel ubos sa New Generation Currency (NGC) o mga gi-imprenta niadtong tuig 2010 na lamang ang dawaton sugod sunod tuig. (PIA-Bohol/ecb)
by admin | Dec 15, 2016 | Headlines, Local News / Bohol Balita
TAGBILARAN CITY, December 15 (PIA)– Bukas ang tanang mga bangko sa Pilipinas, pribado man o gipanag-iya sa gobyerno aron modawat sa mga magpabaylo sa ilang daang salaping papel hangtud Disyembre 2016.
Kini ang subling gipahinumdom sa Bangko Sentral ng Pilipinas (BSP) sa mga information officers sa mga kalungsoran ug nasudnong ahensiya sa gobyerno sa lalawigan sa Bohol ning bag-o lang didto sa JJ’s Seafood Village, ning syudad.
Sa bag-o lang gipahigayon nga general assembly meeting sa mga miyembro sa Association of United Development Information Officers in Bohol (AUDIO-Bohol) nga gi-host sa BSP, gipahinumdom ni Bank Officer Hazel Cultura nga ang mga daang salaping papel ubos sa New Design Series (NDS) dili na madawat sugod Enero 1, 2017.
Bisan niadto pang Enero 1, 2016 gipahunong sa BSP ang paggamit sa mga daang salaping papel isip pangbayad ug pang-sukli, mahimo pa kining ipabaylo sa mga bangko alang sa mga New Generation Currency (NGC) banknotes taman karong kataposan sa Disyembre.
Ang gitumbok nga mga daang salaping papel mao kadtong mga gi-imprenta sa BSP niadtong tuig 1985.
Tuig 2010 sa dihang gipagawas sa BSP sa sirkulasyon ang NGC nga paghidangat sa Enero 1, 2017, kini na lamang ang mahimong gamiton sa mga transaksiyon sa bangko ilabi na sa pagbayad ug pagpanukli.
Matud pa ni Cultura nga mahimong magpabaylo sa bisan asang bangko bisan walay ‘existing account’ tungod kay obligado man ang tanang mga bangko nga alisdan og NGC banknotes ang bisan kinsang adunay gigonitan nga daang salaping papel nga gustong magpabaylo.
Gipasabot ni Cultura nga kun dugay na kaayo ang salaping papel, matun-an na ug masundog ang detalye niini mao nga kinahanglan na kining alisdan. (PIA-Bohol/ecb)
by admin | Dec 15, 2016 | Headlines, Local News / Bohol Balita
TAGBILARAN CITY, December 15 (PIA)– Daghang mga security features nga angay nga bantayan sa publiko sa mga New Generation Currency (NGC) series o mga bag-ong salaping papel.
Una na niini ang gitawag nga Embossed Prints o mas tataw ang mga letra nga mabasa ilabi na ang marka nga ‘Republika ng Pilipinas’ ug ang letra sa kantidad sa salapi.
Mahikap usab ang larawan sa tawo nga napatik sa salapi, mga lagda sa Presidente sa Pilipinas ug Gobernador sa BSP ug ilabi na ang mga numerikong nakasulat sa upat nga suok sa salaping papel.
Pasaka usab ang pagka-imprenta sa mga numero sa Serial Number sa matag salaping papel.
Makita ang mga Serial Number sa tuo nga bahin sa ibabaw ug wala nga bahin sa ubos nga parte sa salaping papel. Ang Serial Number gilangkoban sa duha ka managlahing letra ug lima ka numero.
May gibutang usab nga Security Fibers sa NGC series nga dili dayon mabantayan sa simpleng pagta-aw lamang niini gawas na lamang kun ipatungod kini sa ultra violet lights.
Kolor pula ug asul nga magbaylo-baylo og posisyon ang kolor niini kun ipatungod sa ultra violet lights.
Mao kini ang murag mga lugas nga gikatag sa puting parte sa salaping papel.
Sa tuo nga bahin sa ibabaw sa ulo sa tawo nga naka-imprenta sa salaping papel, makita ang Watermark o anino sa imahe sa tawo nga naka-imprenta niini.
Kun tan-awon ang salaping papel sa mas hayag nga lugar o di kaha ipatungod sa sidlak sa adlaw, mogawas ang kantidad sa salapi nga nakasulat nga nagtakilid paubos.
Samtang gitataw sa BSP nga parehong dawaton sa sirkulasyon ang NGC nga salaping papel nga P100 nga medyo lasaw ang pagka-kolor ube ug ang bag-ong P100 nga maube ang kolor.
Gipagawas niadtong Pebrero 2016 ang mas maubeng P100 isip tubag sa giingong kanunay masaypang P1,000 nga unang gipagawas nga NGC banknote. (ecb/PIA7-Bohol)
by admin | Dec 14, 2016 | Headlines, Holiday Updates, National News
TAGBILARAN CITY, December 14 (PIA)–Gi-anunsiyo karon sa Malakanyang nga gi-deklarang special non-working holiday ang Disyembre 26, 2016 ug Enero 2, 2017 nga parehong natunong sa adlaw nga Lunes.
Sa Proclamation No. 117 nga gilagdaan ni acting Executive Secretary Menardo Guevarra, nakalatid nga special non-working holiday ang mga nahisgotang petsa nga human sa adlaw sa Paskoug Bag-ong Tuig.
Kini aron mahatagan og kahigayonan ang publiko nga masaulog og mas taas nga panahon ang Pasko ug Bag-ong Tuig.
“The declaration of December 26, 2016 and January 2, 2017, both falling on Monday, as special non-working days will give the people full opportunity to celebrate the holidays with their families and loved ones,” matud pa samaong proklamasyon.
Nagpasabot kini nga magbaton ang publiko og taaas nga weekend sa pagsaulog sa Pasko ug Bag-ong Tuig.
Kini tungod kay pareho mang natunong sa weekend ang Disyembr e24 ug 25, apil na usab ang Disyembre 31 ug Enero1 karong holiday season.(ecb/PIA7-Bohol)
