by aimee | Feb 18, 2013 | Headlines
TAGBILARAN CITY, Bohol, Feb. 18 (PIA)–GIPAGAWAS sa Department of Education (DepEd) ang DepEd Order Number 9 Series of 2013 sa tanang pampublikong tunghaan sa tibuok nasud agig pagpahinumdom nga bawal maningil og bisan unsang graduation fee.
Kini nagpasabot nga dili mahimong mangolekta ang school administrator, mga magtutudlo ug non-teaching personnel og bisan unsang kontribusyon alang niini.
Apan mahimong mohatag og donasyon in cash o in kind ang Parents-Teachers Association (PTA) nga gamiton alang sa commencement exercises.
Bawal magpahimo og mga non-academic projects aron lang makatapos ang usa ka estudyante.
Dili angay obligahon ang mga motapos nga magsul-ob og mga nindot nga saput ug kun mahimo, uniporme na lang.
Bawal usab ipahigayon ang seremonya sa usa ka espesyal o mahal nga venue.
Kun adunay yearbook, kinahanglang voluntary basis ang kontribusyon alang niini.
Angay lamang nga tinuoray, disiplinado ug memorable ang graduation rites alang sa mga estudyante ug ilang ginikanan apan dili kinahanglang bongga o mahal.
Og labi sa tanan, bawal gamiton sa mga kandidato ang graduation rites alang sa ilang pagpangampanya. (PIA-Bohol/ecb/p-hd)
by aimee | Feb 18, 2013 | National News
TAGBILARAN CITY, Bohol, Feb. 18 (PIA)–GILAGDAAN na ni Presidente Benigno “Noynoy” Aquino III ang Republic Act 10365 o “An Act Further Strengthening the Anti-Money Laundering Act of 2001”, ang balaod nga mopalig-on sa AMLA.
Matud pa ni Deputy presidential spokesperson Abigail Valte nga gilagdaan kini sa Presidente niadtong Biyernes.
Sa paglagda sa R.A. 10365, 34 na gikan sa kanhi 14 ka predicate crimes ang nahisulod niini nga nag-apil na usab karon sa environmental crimes, human trafficking, bribery, corruption of public official, currency counterfeiting, sexual exploitation of minors ug terrorism financing.
Tungod niini, madugangan na ang listahan sa entities nga kinahanglang mo-report sa ilang financial transaction sa Anti-Money Laundering Council (AMLC) sama sa pre-need companies, money changers, real estate agents ug dealers sa mga prescious stones ug metals.
Tungod sa maong lakang, nalikayan sa Pilipinas nga ma-blacklist sa Financial Action Task Force (FATF) nga gipaabot nga mo-resulta sa paghugot sa proseso sa financial transactions sa mga overseas Filipino worker (OFW). (PIA-Bohol/ecb/p-gg)
by aimee | Feb 18, 2013 | Headlines, Health and Medicine
TAGBILARAN CITY, Bohol, Feb. 18 (PIA)–GI-ALERTO sa Department of Health (DOH) ang tanang tambalanan sa tibuok nasud batok sa giingong usa ka matang sa virus nga susama sa Severe Acute Respiratory Syndrome (SARS).
Kini human sa labing bag-ong nakumpirmang impeksyon nga Novel Coronavirus (NCOV) sa United Kingdom.
Matud pa ni DOH Spokesperson Assistant Secretary Dr. Eric Tayag, gimanduan na nila ang tanang tambalanan sa tibuok nasud nga i-report dayon ang mga grabeng kaso sa pneumonia nga nag-negatibo sa influenza virus ug bacteria aron matino kini dayon.
Sa labing ulahing taho, giingong mikabat na sa 11 ang kumpirmadong kaso sa NCOV sa tibuok kalibotan diin lima na ang namatay sa Saudi Arabia ug Jordan.
Nakitaan ang mga apektadong pasyente og mga respiratory illness nga may kaubang hilanat, ubo ug lisud sa pagginhawa.
Apan giseguro sa DOH nga wala pay natalang kaso nga NCOV sa nasud mao nga walay angay ikabalaka ang publiko.
Sa pagkakaron, gitun-an pa sa mga health officials sa tibuok kalibotan ang NCOV infection.
(PIA-Bohol/ecb/i-gg)
by aimee | Feb 15, 2013 | National News
MALACAÑANG assured on Friday that the government will continue carrying out the law to stop smuggling in the country, particularly after Sen. Miriam Santiago expressed plans to investigate the alleged illegal entry of used cars in Port Irene in Cagayan.
Deputy Presidential Spokesperson Abigail Valte said the Bureau of Customs (BOC) will implement the law to stop the entry of used cars in Cagayan until the Supreme Court settles a legal dispute on an executive order regarding the issue.
“Meron ding legal situation when it comes to CEZA (Cagayan Economic Zone Authority) dahil pending ang challenge sa EO in the Supreme Court. So merong both sides—one side is saying, puwede; the other side is saying, hindi puwede ipasok kasi meron pang challenge sa EO,” Valte said.
“Since meron nang Supreme Court decision on the matter upholding that particular EO, the Bureau of Customs will act accordingly,” she added.
The Palace official also said BOC Commissioner Rufino Biazon still enjoys the trust and confidence of the President.
Asked about the possibility that the issue on used cars in Cagayan will be used as a campaign issue against Sen. Juan Ponce Enrile and his son who is vying for a Senate seat, Valte said the concern of the Palace is to carry out the law.
“At least on the part of the Executive, ang lagi nating concern is just the implementation of the law. And now that the Supreme Court has settled the legal question then, the Bureau of Customs will act accordingly,” she said.
Commenting on the impending investigation by the Senate of the alleged used car smuggling in Cagayan, Valte said the Palace will leave the issue to the senators to investigate.
She also assured the lawmakers that Malacanang will cooperate in the investigation and is open to providing the Senate information on the issue. (PND)
by aimee | Feb 15, 2013 | Headlines, National News
TAGBILARAN CITY, Bohol, Feb. 15 (PIA)–NIPASIDAAN ang opisyal sa Philippine Overseas Employment Administration (POEA) sa publiko batok sa mga gitanyag nga trabaho sa Estados Unidos pinaagi sa electronic mail o e-mail.
Matud pa ni POEA Administrator Hans Cacdac, nakadawat sila og impormasyon gikan kang Luzviminda Padilla, Philippine Labor Attaché to Washington D.C., kalabot sa maong pagpangilad.
Giingong nasakpan ang operasyon sa sindikato sa dihang nangayo og tabang sa Philippine Overseas Labor Office (POLO) sa Washington ang usa ka Pinoy didto aron pagberipikar sa gitanyag nga trabaho kaniya nga mahimong yaya nga nadawat niya pinaagi sa e-mail.
Bugti sa trabaho isip yaya sa New Jersey, USA, ang pagpangayo og kantidad alang sa pagproseso sa aplikasyon. Giingong nakapadala na ang Pinoy og US$276.99 pinaagi sa money transfer sa usa ka Qunesha Clewis nga naa sa San Bernardino, California.
Apan human nipahigayon og imbestigasyon ang POLO-Washington, migawas nga dili tinuod ang gihatag nga ngalan ug bisan ang trabahong gitanyag sa e-mail.
Tambag ni Cacdac, ipahibalo dayon sa POEA ug sa hingtungdang ahensiya ang mga gitanyag nga trabaho alang sa gawas na nasud nga ilang madawat pinaagi sa e-mail. (PIA-Bohol/ecb/p-hd)
DFA, nakig-alayon na sa ilang Malaysian counterparts kalabot sa 100 Pinoy sa Sabah
TAGBILARAN CITY, Bohol, Feb. 15 (PIA)–PADAYON nga naka-monitor lang ang Malakanyang sa mga kalamboan kalabot sa pagkasikop sa 100 ka taga-Sulu sa Sabah, Malaysia.
Matud pa ni Deputy Presidential Spokesperson Abigail Valte, nakatutok sa insidente ang Department of Foreign Affairs (DFA) ug nakig-alayon na sila sa ilang Malaysian counterparts.
Si Valte nagkanayon nga isip general rule, otomatikong hatagan og legal assistance ang mga nasikop natong kababayan. Apan giingong dili pa sila makahatag og dugang impormasyon hangtud dili pa maberipika ang kinatibuk-ang detalye sa insidente.
Giingong matud pa ni Defense Sec. Voltaire Gazmin, walay armas ang mga Pilipino nga gikan sa Sultanate of Sulu sukwahi sa giingong iligal nga misulod sa Sabah ang mga armadong lalaki.
Naa sa “wait and see attitude” pa ang DFA kun unsa ang sulod sa report gikan sa embahada sa Malaysia ug sa ilang gipadalang fact finding team sa Sabah.
Miingon karon si DFA spokesman Raul Hernandez nga ang kunsulado sa Pilipinas sa Kuala Lumpur nagpadala na usab og police attache aron makig-alayon sa atong counterpart didto aron matino ang nagpaluyo sa kamatuoran sa maong report. (PIA-Bohol/ecb/i-gg)
