by aimee | Feb 7, 2013 | Headlines
TAGBILARAN CITY, Bohol, Feb. 07 (PIA)–MISMONG si Presidente Benigno “Noynoy” Aquino III ug Moro Islamic Liberation Front (MILF) chairman Al Haj Murad ang molusad sa Lunes, Pebrero 11 sa “Sajahatra Bangsamoro” sa mismong compound sa Bangsamoro Leadership and Management Institute (BLMI) sa Sultan Kudarat.
Sa usa ka press briefing sa Malakanyang, gibutyag ni Cabinet Sec. Jose Rene Almendras nga kini ang labing unang higayon nga mobisita sa kampo sa MILF sa Maguindanao ang Presidente sa Pilipinas.
Ang “Sajahatra” gikan sa pinulongang Arabic-Bahasa-Melayu nga nangahulugan og “blessing, prosperity and peace” mao nga eksakto kining panagtagbo sa gobyerno ug MILF.
Matud pa ni Almedras, kini ang kongkretong socio-economic peace initiative nga nagtinguhang mamaayo ang kahimsog, panginabuhian ug edukasyon sa mga naa sa MILF communities.
Giingong kini ang pagmatuod sa pagsalig ug kumpiyansa sa duha ka bahig sa matag usa ug pagpalig-on sa ilang relasyon alang sa kalinaw ug paglambo sa Bangsamoro.
Dungan niining programa ang pagpangapud-apud sa Philhealth cards ug scholarship certificates sa mga nakatapos sa sekondarya ug gustong motungha sa kolehiyo.
Apil sa mga ahensyang mosalmot ang Department of Social Welfare and Development (DSWD), Technical Education and Skills Development Authority (TESDA), PhilHealth, Department of Agriculture ug Commission on Higher Education (CHED).
Gipaabot nga pagatambungan sa nagkalain-laing dignitaries ang maong okasyon nga gilangkuban sa mga miyembro sa International Contact Group (ICG) ug mga stakeholders gikan sa international community. (PIA-Bohol/ecb/i-hd)
by aimee | Feb 5, 2013 | Headlines, National News
TAGBILARAN CITY, Bohol, Feb. 05 (PIA)–GITIN-AW sa National Printing Office (NPO) nga walay nahitabong aberya sa unang gabii sa pag-imprenta sa mga balota alang sa midterm elections sa Mayo 13.
Matud pa ni NPO Printing Committee Chairman Dulce Sagle, gitinguha nila nga mas mahimong klaro ang pag-imprenta sa logo sa Commission on Elections (Comelec) mao nga nahunong kadali ang operasyon kagabii, apan nipadayon ra ang pag-imprenta sa tulo ka bag-ong makina sa ahensya.
Kumpiyansa usab ang NPO nga kun walay aberya, mahuman nila og mas sayo pa sa gitakdang deadline nga Abril 25 ang pag-imprenta sa 52,014,648 balota alang sa tibuok nasud.
Pasabot pa ni Sagle, target nilang maka-imprenta og 600,000 hangtud 1 milyon matag adlaw.
Sa pagkakaron, unang gi-imprenta ang mga balota alang sa Cotabato.
Magpadayon ang ilang operasyon ug sa Biyernes Santo lamang ang ilang pahulay. (PIA-Bohol/ecb/i-gg)
TRO sa Cybercrime law, gi-uswag pa sa Korte Suprema
TAGBILARAN CITY, Bohol, Feb. 05 (PIA)–GI-USWAG pa sa Supreme Court (SC) ang temporary restraining order (TRO) batok sa implementasyon sa Republic Act 10175 o Cybercrime Prevention Act of 2012.
Matud pa ni Atty. Gleo Guerra ang tigpamaba sa SC, magdugay ang bag-ong TRO hangtud walay bag-ong kamanduan ang ipakanaug. Ikaduhang higayon na kining gi-uswag sa SC.
Kahinumdoman nga karong adlawa unta matapos ang 120-day TRO sa SC batok sa Cybercrime Law nga gipakanaug sa Korte Suprema niadtong Oktubre 9, 2012.
Dunggon unta karong adlawa, dungan sa pagkahuman sa TRO, ang 15 petisyon nga mi-kuwestiyon sa constitutionality sa Cybercrime Law.
Matud pa ni Guerra nga naa na sa discretion sa mga mahistrado kun hangtud kanus-a mahimong epektibo ang maong TRO.
Gipabasura sa mga mi-kuwestiyon ang maong kontrobersyal nga balaod tungod kay giingong nakalapas kini sa freedom of expression sa mga tiggamitan sa social media. (PIA-Bohol/ecb/i-gg)
by aimee | Feb 5, 2013 | Headlines, National News
TAGBILARAN CITY, Bohol, Feb. 05 (PIA)–MAY natudlo nang bag-ong National Disaster Risk Reduction and Management Council (NDRRMC) executive director si Presidente Benigno “Noynoy” Aquino III human niluwat sa pangatungdanan si Benito Ramos niadtong Enero 11.
Matud pa ni Deputy Presidential Spokesperson Abigail Valte, pirmado na ang appointment papers ni Ret. Maj. Gen. Eduardo del Rosario isip acting administrator sa Office of the Civil Defense (OCD).
Si Del Rosario ang namuno kaniadto sa Task Force Kalihim nga mitutok sa search operations sa nihagsang eroplano nga gisakyan ni anhing Interior and Local Government Secretary Jesse Robredo.
Si Valte nagkanayon nga epektibo ang appointment ni Del Rosario sugod Pebrero 1, 2013, dungan usab sa effectivity sa resignation ni Ramos.
Dungan niini, gitudlo usab ni Presidente Aquino si Lt. Gen. Alan Luga isip bag-ong vice chief of staff sa Armed Forces of the Philippines (AFP). (PIA-Bohol/ecb/p-gg)
Comelec, mangandam batok sa signal jammers karong umaabot eleksyon
TAGBILARAN CITY, Bohol, Feb. 05 (PIA)–PANGANDAMAN sa Commission on Elections (Comelec) ang mga nagtinguhang pugngan o babagan ang pag-transmit sa mga boto sa umaabot nga 2013 midterm elections.
Matud pa ni Comelec Chairman Sixto Brillantes Jr., nakig-alayon na ang ilang komisyon sa National Telecommunications Commission (NTC) ug sa mga kumpanyang Smart Telecommunications ug Globe Communications aron masiguro nga dili makalusot ang mga nagplanong mag-jam sa mga automated elections.
“Che-checkin na ho natin yan (jamming scheme), meron na rin kaming report na ganyan.”
Gi-angkon ni Brillantes nga ang pinaka-importanteng parte sa automated elections ang pag-transmit sa resulta mao nga tutokan nila kini ug tun-an ang tanang posibleng paagi aron mahimong epektibo ang proseso.
Una nang mipagawas og pahayag ang Malakanyang nga dili angay e-balewala ang bisan unsang hulga sa integridad sa nagsingabot nga eleksyon.
Kini human sa napabalita nga pagdagsang sa mga signal jamming devices nga gikahadlokang gamiton sa pagpanikas sa eleksyon. (PIA-Bohol/ecb/i-gg)
by aimee | Feb 5, 2013 | National News
MALACAÑANG assured that it will go after politicians who maintain private armed groups as the country prepares for the midterm election this May.
The campaign of the Philippine National Police (PNP) to dismantle private armed groups and account for all loose firearms continues to make the upcoming election safe and orderly, Presidential spokesman Edwin Lacierda said in a press briefing in Malacanang on Monday.
It was reported that some members of Congress, particularly in the Zamboanga Peninsula, maintain private armies and the proliferation of unlicensed guns remains a concern.
“Yes. Loose firearms are certainly frowned upon. We are going to strengthen the security in that area,” Lacierda told reporters. “We are going to go after all those individuals who are holding loose or unlicensed firearms. Dismantling private armed groups is part of the directive of the President. He said the PNP should go after private armed groups regardless of who they are,” he added.
The President has ordered the PNP to make sure that firearms are accounted for and the gun ban should be strictly enforced particularly in Zamboanga. (PND)
Government working to secure civilians in the ongoing Sulu fight
THE government is working to ensure that no civilian will be harmed in the ongoing fighting between the members of the Moro National Liberation Front and the Abu Sayyaf Group in Sulu, Malacanang said on Monday.
Presidential Spokesman Edwin Lacierda made an assurance during a press briefing in Malacanang Monday saying “the clash is occurring in a specific isolated area. Majority of occupants are either part of ASG or MNLF. What we have done as government is to secure the safety of the civilians in those areas.”
“So right now they’re being evacuated and Secretary Dinky Soliman is in fact in Mindanao right now and we have identified evacuation centers. The civilians in those areas are now in evacuation centers.”
The Sulu police said 13 people have been killed from the ASG side, while eight were recorded from the MNLF side after the fire fight in Kabbun Takas in Sulu.
Lacierda said they still don’t have information to verify whether the MNLF fighting the Abu Sayyaf are integrees to the military.
The Palace official also allayed fears that the MNLF, which forged a peace agreement with the government in the mid-1990s, will abide by the law and not target other armed groups in Mindanao. (PND)
by aimee | Feb 1, 2013 | Headlines, National News
TAGBILARAN CITY, Bohol, Feb. 01 (PIA)–NAGPASALAMAT ang gobyerno sa Pilipinas sa pagtubag sa Saudi Arabia sa 2.3 milyon Saudi Riyal nga kulang nga blood money alang sa overseas Filipino worker (OFW) nga si Rodelio “Dondon” Lanuza.
Sa gipagawas nga statement sa Department of Foreign Affairs (DFA), nagpasalamat usab si Foreign Affairs Secretary Albert Del Rosario kang Vice President ug Presidential Adviser on OFW Concern Jejomar Binay alang sa natigom nga 700,000 Saudi Riyals sa pamilya ni Lanuza. Gipasalamatan usab sa kalihim ang tabang sa mga Pilipino alang sa kababayang OFW.
Una nang gikumpirmar ni Binay nga dili madayon ang pagbitay kang Lanuza.
Giingong gitawagan siya sa embahada sa Saudi Arabia kagahapon ug gipaabot ang balita nga gitubag ni King Abdullah ang 2.3 milyon Saudi Riyals o kapin P25 milyon nga blood money.
Apan gi-klaro niini nga dili dayon makagawas sa bilangguan si Lanuza tungod kay kinahanglan pang dalhon sa korte ang Royal decree aron makapagawas og release order ang Saudi court.
Tuig 2000 sa dihang napatay ni Lanuza ang usa ka Saudi national nga nanutok niya og kutsilyo ug giingong padung siya panamastamasan niini.
Plano usab sa gobyerno sa Pilipinas nga mangayo og tabang sa hari sa Saudi Arabia alang sa kinabuhi sa usa ka OFW nga napahamtangan usab og silot nga kamatayon.
Nameligro pa gihapon nga mabitay si Joselito Zapanta tungod sa giingong pagpatay sa usa ka Sudanese landlord niadtong 2009.
Matud pa ni Binay, mahuman na sa Marso ang upat ka buwang gitakda sa pamilya ni Zapanta aron makumpleto ang P44 milyong blood money diin P10 milyon pa lang ang natigom karon.
Apan ang maayong balita usab, gikunhoran sa P33 milyon ang blood money. Bisan pa niini, P23 milyon pa gihapon ang kinahanglang matigom. (PIA-Bohol/ecb/i-gg)
