by aimee | Jan 28, 2013 | National News
TAGBILARAN CITY, Bohol, Jan. 28 (PIA)–GIBUTYAG ni Presidente Benigno “Noynoy” Aquino III nga sa Pilipinas ipahigayon ang East Asia Summit sa World Economic Forum (WEF) sa 2014.
Wala una mohatag ang Presidente og komento kun makatambong pa sa sunod tuig ang Pilipinas sa tinuig nga WEF nga ginapahigayon sa Davos, Switzerland matag katapusang semana sa buwan sa Enero.
Nagtuo ang Pangulo nga daku ang makuhang benepisyo sa Pilipinas kun dinhi ipahigayon ang East Asia Summit.
Matud pa nga namatngonan na karon ang Pilipinas sa mga “political ug economic honchos” sa Europe human ang lima ka tuig.
Dungan niini, gibutyag usab sa Presidente nga mobisita sa nasud sa sunod nga mga buwan ang usa ka global economic team aron mangita og business opportunities partikular na sa sektor sa edukasyon ug information technology. (PIA-Bohol/ecb/i-ed)
GPH ug MILF, nagkauyon sa pagtukod og panel nga mag-monitor sa peace deal
TAGBILARAN CITY, Bohol, Jan. 28 (PIA)–MILAGDA ang gobyerno sa Pilipinas ug Moro Islamic Liberation Front (MILF) sa mga termino kalabot sa pagtukod og ika-tulong partido nga mag-monitor sa implementasyon sa Bangsamoro Framework agreement.
Matud pa ni government chief negotiator Miriam Coronel-Ferrer, usa kini sa pinakamahinungdanong nakab-ot sa pagtapos sa 35th round sa formal exploratory talks nga gipahigayon sa Kuala Lumpur, Malaysia.
Dugang pa ni Ferrer, siguradohon sa maong third party nga mahuman ang implementasyon sa kasabotan dili susama sa mga naunang proseso.
Mag-nominate ang duha ka panig sa mahimong tinugyanan gikan sa lokal ug international non-government organization.
Samtang kinahanglang magkauyon ang gobyerno ug ang MILF kun kinsang indibidwal ang mamuno sa tukoron nga panel. (PIA-Bohol/ecb/p-sjp)
by aimee | Jan 28, 2013 | National News
TAGBILARAN CITY, Bohol, Jan. 28 (PIA)–NIABOT na si Presidente Benigno “Noynoy” Aquino III gikan sa gipahigayon nga World Economic Forum sa Davos, Switzerland.
Sakay sa Philippine Airlines flight 001, miabot ang Presidente sa Ninoy Aquino International Airport (NAIA) mga alas-2:30 kagahapon sa hapon nga gisundan og press conference.
Sa iyang arrival statement, gipasigarbo ni PNoy ang pagsaka sa imahe sa nasud sa international community.
“Katangi-tanging pagkakataon po ito upang ipaliwanag sa kanila ang ating mga mabubuting adbokasiya at patunayang ibang-iba na ang Pilipinas kumpara sa ating dinatnan.”
Giingong apil sa iyang gikahinabi ang founder sa WEF nga si Klaus Schwab nga midayeg sa mga programang gihikyad sa iyang administrasyon.
Agig pagmatuod nga misaka ang kumpiyansa sa kanhi ‘Sick Man of Asia’ ang pagpahigayon sa WEF-East Asia sa Pilipinas sa 2014.
Giingong nakig-pulong usab kang PNoy si International Monetary Fund (IMF) Managing Director Christine Lagarde aron makisayod sa mga bag-ong patakarang ipatuman sa nasud.
Nagpakita’g balik og interes ug giingong gidayeg pa sa mga kumpanya gikan sa nagkalain-laing nasud ang malungtarong istratehiya sa pamuhunan sa nasud.
“Ibang-iba na nga po ang Piilipinas. At ngayon po, nakikita na ng pinapatunayan natin sa buong mundo, hindi tayo mabibigo, handa tayong humarap sa anumang hamon, taas noo po nating isusulong ang ating mga sarili sa landas ng pagbabago,” pagpasigarbo sa Presidente.
Samtang gibutyag usab ni PNoy ang pagdawat niya sa usa ka tseke gikan sa Filipino community sa Switzerland nga giingong ikaduhang parte sa tabang nga gipaabot niini sa mga naapektuhan sa Bagyong Pablo. Butang nga gidayeg sa Presidente.
Gisugat si PNoy ni Bise Presidente Jejomar Binay ug halos tanang miyembro sa iyang gabinete sama nilang National Defense Secretary Voltaire Gazmin, Justice Secretary Leila de Lima, Tourism Secretary Ramon Jimenez, Labor Secretary Rosalinda Baldoz, Public Works Secretary Rogelio Singson, Social Work Secretary Dinky Soliman, AFP chief of staff General Emmanuel Bautista ug airport General Manager Jose Angel Honrado.. (PIA-Bohol/ecb/i-ed)
by aimee | Jan 25, 2013 | Headlines, National News
PRESIDENT Benigno S. Aquino III thanked International Monetary Fund (IMF) Managing Director Christine Lagarde for her confidence in the Philippines during their meeting on the sidelines of the President’s attendance to the World Economic Forum Annual Meeting in Davos, Switzerland.
President Aquino met with Lagarde on Thursday evening (Swiss time). The meeting took about 40 minutes, according to Presidential Communications Development and Strategic Planning Office Secretary Ramon Carandang.
“It was basically a courtesy call; they exchanged pleasantries. Ms. Lagarde informed the President that the IMF had upgraded the growth projections for the Philippines,” Carandang told members of the Philippine media in Davos, Switzerland.
“They (IMF) said that based on their analysis, things were looking very positive for the Philippines, and that they were confident that the growth targets could be attained, given the momentum that we‘ve had,” he added.
IMF has raised its economic growth forecast for the Philippines for 2013 to 6 percent from 4.8 percent.
Carandang said IMF increased its 2013 forecast for the country because “they expect growth to be faster than they initially expected.” He said that President Aquino, in turn, thanked Lagarde for her confidence in the Philippines.
During their meeting, President Aquino shared his government’s efforts to bring about growth through wise spending of government expenditures and leveling the playing field to encourage more investors, said Carandang.
The Secretary said the President also commended the IMF chief. “Ms. Lagarde has a tough job because it is her job to convince world leaders to make difficult choices. He commended her for being able to do that in such an effective way,” he said.
Also present in the meeting were Foreign Affairs Secretary Albert del Rosario, Budget Secretary Butch Abad, Secretary Cesar Purisima, Secretary Gregory Domingo, Secretary Rene Almendras and Secretary Arsenio Balisacan. (PND)
by aimee | Jan 25, 2013 | Headlines
TAGBILARAN CITY, Bohol, Jan. 25 (PIA)–HINGPIT nang balaod ang Kasambahay Bill nga maghatag og proteksyon ug benepisyo sa mga household helpers human gilagdaan ni Presidente Benigno “Noynoy” Aquino III ang Republic Act 10361 o “An Act Instituting Policies for the Protection and Welfare of Domestic Workers”.
Ang Kasambahay Bill nga kaniadto pang Disyembre 2012 napasar sa Kongreso, gilagdaan sa Presidente niadtong Enero 18.
Matud pa ni Deputy Presidential Spokesperson Abegail Valte, nalangan ang pagpadala sa Malakanyang tungod kay gikinahanglan pa kining mo-agi sa mga proseso sa dili pa moabot sa buhatan sa Presidente.
Ubos sa maong balaod, makadawat og P2,500 nga minimum nga suholan ang mga katabang sa National Capital Region (NCR), P2,000 sa mga chartered cities ug first class municipalities, samtang P1,500 usab sa ubang syudad ug kalungsoran.
Obligado na usab ang mga amo nga mohatag og 13th month pay sa ilang katabang kun usa ka tuig na kining nanilbihan ug lima ka adlaw nga leave with pay sulod sa usa ka tuig.
Ang mga employer kinahanglan sa usab nga adunay kontrata sa mga katabang ug ipatala ang pangalan niini sa barangay.
Angay usab nga hatagan og mga social benefit ang mga katabang sama sa Social Security System, PhilHealth ug Pag-IBIG FUND.
Gidili na usab ang pagkuha og katabang nga ang mga edad naa sa 15 anyos paubos.
Epektibo na sa Pebrero 3 ang pagpatuman niining bag-ong balaod human kini gilagdaan sa Presidente niadtong Enero 18 ug i-post sa Official Gazette diin 15 ka adlaw lang ang gikinahanglan aron mahimong epektibo kini.
Gibanabanang naa sa 2.9 milyong domestic workers sa tibuok nasud nga gilangkoban sa mga yaya, cook, labandera, hardinero ug family driver ang makapahimos sa bag-ong balaod. (PIA-Bohol/ecb/i-hd)
by aimee | Jan 25, 2013 | National News
TAGBILARAN CITY, Bohol, Jan. 25 (PIA)–NAKADAWAT og “very good reception” ang speech ni Presidente Benigno “Noynoy” Aquino III atubangan sa mga global leaders ug mga nag-unang financial executives sa tibuok kalibotan.
Nasentro ang speech sa Presidente sa World Economic Forum (WEF) sa kasinatian sa Pilipinas sa pagbatok sa kurapsyon ubos sa tema nga “Partnering Against Corruption Initiative”
Matud pa ni Communications Sec. Ricky Carandang, mikabat sa 10 minutos ang speech sa Presidente diin seryosong gipaminaw kini sa mga chief executive officers sa mga pribadong kumpanya ug mga lider sa nagkalain-laing nasud nga nisalmot.
Si Carandang nagkanayon nga nasabtan sa mga nisalmot nga seryoso ang Pilipinas sa pagpatuman og reporma partikular na sa sektor sa ekonomiya.
Giingong dakung butang kini aron makuha ang kumpiyansa sa mga investors ug madani nga mobubo og puhonan sa atong nasud.
“I think this is good because when the CEOs hear from the leaders and not just President Aquino but the President of Mongolia – when they hear straight from the leaders about what they’re doing to fight corruption, I think it helps instill confidence in them because everyone of those people was a potential investor in our country,” matud pa ni Carandang.
Si Presidente Aquino ang unang speaker sa maong forum ug gisundan sa lider sa Mongolia. Ang ubang lider gikan sa nasud sa India ug Peru mipa-ambit usab sa ilang mga kasinatian ug unsay ilang mga gibuhat sa ilang kaugalingong nasud. (PIA-Bohol/ecb/i-gg)
