by aimee | Mar 6, 2014 | Headlines
MANILA, Mar. 6, 2014 (PIA)–Aron mapugngan ang child pornography sa nasud, gimanduan na ni Labor Secretary Rosalinda Baldoz ang tanang Labor regional directors nga palapdan pa ang Sagip Batang Manggagawa Quick Action Teams.
Kini gitukod sa nagkalain-laing rehiyon niadto pang 1993 aron mag-imbestigar ug mohimo og rescue operation sa mga menor de edad nga sayong gipa-trabaho sa mga pabrika, gi-ulipon o di kaha gitukmod sa prostitusyon.
Kini tungod na usab sa bag-ong teknolohiya nga nakaingon sa bag-ong pang-abuso sa mga kabataan pinaagi sa online live show ug cyber pornography.
Tungod niini, katambayayong sa DOLE ang National Bureau of Investigation (NBI), Philippine National Police (PNP), Department of Social Welfare Development (DSWD) ug uban pang ahensya sa gobyerno aron masumpo ang maong krimen.
Gitataw ni Baldoz nga ang gobyerno anaa aron pagsiguro nga ang mga kabataan luwas gikan sa tanang matang sa pag-abusar, pagpasagad, pahimulos nga mapanamastamason ug diskriminasyon. (PIA7-Bohol/ECB)
by aimee | Mar 6, 2014 | Headlines
MANILA, Mar. 6, 2014 (PIA)–Bukas ang Bureau of Internal Revenue (BIR) sa balaodnon nga i-ubos sa 25% ang individual income tax gikan sa kasamtangang 32%.
Matud pa ni BIR Commissioner Kim Henares, wala niya igsapayan ang maong sugyot ni Senador Sonny Angara, apan iyang gitataw nga kinahanglan pa kini og makuting pagtuon.
Dugang pa sa kalihim, karong tuiga maayong unahon pagpalabang ang ubang balaodnon sama sa fiscal incentive rationalization ug mining revenue sharing bills.
Giingong sunod niini sa sunod tuig, si Henares mismo ang mohatag og proposal kun unsaon pag-rationalize ang bracketing sa income tax aron mo-ubos kini.
Matud pa nga kinahanglan pa usab tarungon ang tibuok sistema sa pagbuhis aron maduso ang 25% income tax.
Samtang nagtukod na karon og technical working committee si Senador Angara aron plantsahon ang maong balaodnon nga target ipatuman sa 2017.
Una nang nihatag og pahayag ang Malakanyang pinaagi ni Presidential spokesperson Edwin Lacierda nga ila nang gitugyan sa Department of Finance (DOF) ug BIR ang desisyon kalabot sa balaodnon nga i-ubos sa 25% ang individual income tax. (PIA7-Bohol/ECB)
by aimee | Mar 6, 2014 | Headlines
MANILA, Mar. 6, 2014 (PIA)–Wala nabag-o ang baruganan sa gobyerno nga dili mohunong sa pagpaningkamot nga makab-ot ang paglambo ug mahaw-as sa kawad-on ang mga kabos nga Pilipino.
Kini ang gitumbok ni Presidential spokesperson Edwin Lacierda sa usa ka press briefing sa Malakanyang kagahapon.
Gipasabot ni Lacierda nga ang tumong sa gobyerno mao ang inclusive growth diin nagtinguhang mahaw-as sa kawad-on ang mga kabos. Nakatutok usab ang Philippine Development Plan sa halapad nga paglambo.
Gidugang usab sa kalihim nga nagtakda ang administrasyon og mga lakang batok sa kakabos ug kini ipatuman agig pagsunod sa mga gitakdang mga pamaagi.
Gibutyag ni Lacierda nga sama na lamang kun ang usa ka lalawigan nga nakahan-ay sa usa ka kategorya, ipatuman sa gobyerno ang eksaktong istratehiya aron masulbad ang kakabos sa maong lugar.
“Ang pinagtutuunan ng pamahalaan ay ang tiyak na pag-ahon sa karalitaan ng mga dukha. Ang nasabing plano ay nakaayos na at patuloy na ipatutupad hanggang sa pagtatapos ng aming termino,” pasabot ni Lacierda.
Matud pa nga gitino na nila ang mga istratehiya ug pamaagi nga gisunod sa ubang nasud nga nagpatuman og susamang pagbatok sa kawad-on.
Giingong sama sa Tsina diin giingong daghang dekada ang milabay sa pagpaningkamot sa maong nasud nga nipatuman og mga istrahiya batok sa kakabos.
Pipila ka dekada ang milabay, matud pa ni Lacierda sa wala pa napatuman ang mga istratehiya sa Tsina batok sa kakabos.
Kining matang sa pagbatok sa kakabos ang gipaningkamotan usab sa gobyerno ug gipanigurong dili lamang matapos sa 2016.
Bisan dili kini kayang tapuson sulod sa unom ka tuig, gipaabot sa gobyerno nga makuhaan ang kakabos samtang naa pa sa gahum ang administrasyong Aquino. (PIA7-Bohol/ECB)
by aimee | Mar 5, 2014 | Headlines
TO promote greater ease and flexibility in remitting their PhilHealth contributions, the Philippine Health Insurance Corporation (PhilHealth) is implementing a new payment schedule for employers starting March 2014.
In its Circular No. 1, s-2014, employers in the Government and private sectors with PhilHealth Employer Number (PEN) ending in 0 to 4 may remit their monthly contributions every 11th to 15th day of the month following the month being paid for, while those with PENs ending in 5 to 9 may remit every 16th to 20th day.
For example, with March 2014 being the applicable month, employers with PEN ending in 0 to 4 may remit their contributions from April 11 to 15 of this year, while those with PENs ending in 5 to 9 may remit from April 16 to 20.
Meanwhile, submission of remittance reports shall be within five (5) days after payment has been made. “Should the date due falls on a weekend or holiday, both payments and remittance reporting can still be made on the next working day” the Circular clarified.
PhilHealth encouraged employers to regularly remit their contributions following the new schedule to avoid penalties. (PhilHealth)
by aimee | Mar 5, 2014 | Headlines, National News
MANILA, Mar. 5, 2014 (PIA)–Nanawagan ang Malakanyang sa tanang mga kawani ug mga hugpong sa propesyonal nga makighiusa sa gihimong paningkamot aron iduso pa ang kinatibuk-ang paglambo sa panginabuhian pinaagi sa pagbabayad og saktong buhis.
Sa gipahigayong press briefing sa Malakanyang kagahapon, miingon si Kalihim Herminio “Sonny” Coloma, Jr. sa Presidential Communications Operations Office (PCOO) nga gipaningkamotan og maayo ilabi na sa Bureau of Internal Revenue (BIR) nga makab-ot ang 16 hangtud 18 porsiyento nga tax-to-GDP ratio pag-abot sa tuig 2016.
“Ang mga buwis ang dugong pambuhay ng economya. Pag-alinsunod sa pakay ng Philippine Domestic Program, pinagbubuti ng BIR ang kampanya upang mapaabot sa 16 to 18 porsiyento ang tax-to-GDP ratio pagdating ng 2016. Hanggang noong 2013, ang tax-to-GDP ratio ng bansa ay umabot sa 136 porsiyento, subali’t ito ay mababa sa 17 porsiyentong natala bago nagkaroon ng krisis pinansiyal sa Asya,” pasabot ni Coloma.
Matud pa nga sa pagpaningkamot nga makab-ot ang target, gibarugan sa gobyerno nga angay lamang hingusgan pa ang pagpaningil og buhis aron makaabag sa mga kaatbang niini nga nasud sa ASEAN.
Base sa taho sa World Bank, ang pagpaningkamot sa Thailand, Malaysia ug Singapore sa pagkolekta og buhis nagpabilin sa 17.6 porsiyento; 16.1 porsiyento ug 13.8 porsiyento. (PIA7-Bohol/ECB)
