by aimee | Jul 8, 2013 | Headlines, National News
TAGBILARAN CITY, Bohol, July 08 (PIA)–Posibleng sa Agosto o Setyembre na ipagawas sa Land Transportation Office (LTO) ang bag-ong gi-disinyong plaka alang sa tanang sakyanan.
Kini matud pa ni Department of Transportation and Communication (DOTC) Secretary Jun Abaya sa usa ka radio interview.
“Sa LTO, maglalabas na tayo ng panibagong plaka, tinatapos na namin ‘yung post qualification,” pagbutyag ni Abaya.
“Halos maia-award na natin. Makikita natin ang plaka sometime August or September, one standard plate for all.”
Walo ang awtorisadong disenyo ngayon kaya magulo aniya kaya hirap ang mga law enforcers, ani Abaya.
Una kining gi-planong ipatuman ning buwana apan tungod sa pipila ka aberya, sa mga mosunod nga buwan na gitakda ang implementasyon.
Giingong kining bag-ong ang maong standardized plate kargado og security feature ang bagong plaka at may karagdagang disenyo partikular sa ilalim nito kung saan ilalagay na kung saang rehiyon unang nakarehistro ang sasakyan habang may slogan ng ruta sa pampublikong sasakyan. (PIA-Bohol/ecb)
Walay Pinoy sa nag-crash nga Boeing 777
TAGBILARAN CITY, Bohol, July 08 (PIA)–Walay Pinoy nga naapil sa nihagsa nga Asiana Airlines sa San Francisco, California, USA kagahapon sa buntag.
Matud pa ni Deputy Presidential Spokesperson Abigail Valte nga sa labing ulahing taho sa Philippine Embassy sa Estados Unidos, gisegurong niining walay naapil nga Pinoy sa nag-crash nga Asiana flight 214, Boeing 777-200 sa San Francisco International Airport diin adunay duha ka pasahero ang namatay samtang kapin sa 60 pa ang giingong nanga-angol.
Base sa manifesto sa Flight OZ-214, adunay 291 ka pasahero ug 16 ka crew ang maong eroplano. Giingong 77 niini ang Koreano, 141 ang Chinese ug 61 ang US citizens.
Gikan sa Incheon International Airport sa South Korea ang eroplano ug paingon sa San Francisco sa dihang samtang nag-landing kini, giingong posibleng miigo ang ikog sa eroplano sa seawall ug misadsad sa Runway 28 hangtud sa kalit lang kining nisilaob. Napugos og lukso ang mga pasaherong aron makalikay ug maluwas sa nisilaob nga eroplano. (PIA-Bohol/ecb)
by aimee | Jul 8, 2013 | National News
TAGBILARAN CITY, Bohol, July 08 (PIA)–Positibo ang administrasyong Aquino nga makab-ot nila ang 10 milyong foreign tourist arrival sa Pilipinas paghidangat sa tuig 2016.
“It is a very ambitious target but we have put everything that we have in there to achieve those targets,” matud pa ni Deputy Presidential Spokesperson Abigail Valte.
Gibutyag ni Valte nga sa pagkakaron, nikabat na sa 2.1 milyon ang natalang nakasulod nga turista sa nasud bisan katunga pa lamang kita sa 2013.
Giingong gihimo na sa Department of Tourism (DOT) ang tanan alang sa awareness ug kampanya aron makadani og mga turista.
Nagtuo si Valte nga inanay nang nituo ang mga langyaw nga tinuod nga “It’s more fun in the Philippines” diin padayon ang pagdaghan sa mga langyaw nga mibisita sa nasud.
Giingong dakung tabang usab ang survey sa Travel + Leisure magazine diin nakuha sa Pilipinas ang number one ug two spot sa World Best Awards in 2013 sa dihang mapili ang Palawan ug Boracay sa best islands in the world.
Target sa DOT nga makab-ot ang 10 milyong turista pag-abot sa tuig 2016 aron magbaton og kakumpetensya ang Thailand ug Malaysia.
Ang Thailand gibisita og 22 ka milyong turista niadtong 2012 samtang 25 milyon usab ang nibisita sa Malaysia sa niaging tuig. (PIA-Bohol/ecb)
by aimee | Jul 8, 2013 | Headlines
The Philippines, through the Department of Education (DepEd) and the Philippine Sports Commission (PSC) will host the 6th Association of South East Asian Nations Schools Games (ASG) on December 2014, even as the country is set to host the ASG golf tournament in November this year.
The Philippine participated in the recently concluded 5th ASEAN Schools Games in Hanoi, Vietnam where it sent selected 2013 Palarong Pambansa medalists. The contingent won three bronze medals in boys’ volleyball, girls’ basketball and boys’ javelin throw. Bryan Jay Pacheco bested the Palarong Pambansa record and his personal best in javelin throw. Pacheco also broke the Palarong Pambansa record in shot put.
“I am proud of our athletes and commend their discipline and dedication to their sport. Moreover, I am glad that they are able to participate in such as this and serve as ambassadors of goodwill to our neighbors,” said Education Secretary Bro. Armin A. Luistro FSC, adding expressed his appreciation to PSC for actively supporting DepEd in developing the Filipino athletes.
“We are looking forward to hosting the 6th ASG next year.”
The ASEAN Schools Games (ASG) is an annual sporting event which aims to enhance friendship among students around the region. It also seeks to promote ASEAN solidarity among the youth through school sports and provide opportunities for school athletes to engage in cultural exchange.
The 5th ASG was participated in by the Philippines, Brunei, Indonesia, Laos, Malaysia, Singapore, Thailand and Vietnam. The events were track and field, sepaktakraw, swimming, badminton, basketball, gymnastics, table tennis, volleyball, and pencaksilat. (DepEd)
by aimee | Jul 5, 2013 | Headlines, Health and Medicine
TAGBILARAN CITY, Bohol, June 05 (PIA)–Nipasidaan ang Department of Health (DOH) sa mga ginikanan nga bantayan ang ilang mga anak batok sa ‘WILD’ diseases karong panahon sa ting-klase ug ting-ulan.
Matud pa ni DOH assistant secretary Dr. Eric Tayag, uso na karong panahon sa ting-ulan ang gitawag nga ‘WILD’ diseases o Water-borne diseases, Influenza, Leptospirosis ug Dengue diseases.
Ang water-borne diseases mao ang mga sakit nga gikan sa kontaminadong tubig tungod na usab sa mga pagbaha. Daling mataptan niini ang mga estudyante nga mosulod sa eskwelahan.
Matud pa ni Tayag, kun maka-inom og kontaminadong tubig, mahimong magka-diarrhea o cholera ang usa ka bata mao nga angay magbinantayon ang mga ginikanan sa dehydration.
Samtang ang Influenza o trangkaso usab adunay sintomas nga ubo, sip-on ug hilanat.
Apan kun maglisud na o paspas na kaayo ang pagginhawa sa bata, angay na kining dalhon dayon sa tambalanan tungod kay mahimo kining mauli sa pulmonya.
Ug tungod kay gipaabot ang pagbaha sa pagsulod sa ting-ulan, gipa-amping sa DOH ang publiko batok sa Leptospirosis o ang bakteryang makuha sa baha nga kontaminado sa ihi sa ilaga.
Alang usab sa Dengue, maayo nga siguradohong walay lamok nga namuyo sa palibot.
Tambag sa DOH, magsul-ob og long sleeves ug pantalon aron dili mapaakan og lamok. (PIA-Bohol/ecb)
by aimee | Jul 5, 2013 | National News
TAGBILARAN CITY, Bohol, June 05 (PIA)–Bisan nalibkas na ang duha ka adlaw nga liquor ban sa niaging midterm election, bawal pa gihapon magdala ug mo-inom og mga ilimnon nga makapahubog sa mga buhatan sa gobyerno.
Kini ang pahinomdom sa Civil Service Commission (CSC) sa mga empleyado sa gobyerno base sa CSC Resolution 1100039 nga hugot nga nagbawal sa pag-inom og mga ilimnon nga makahubog sa oras sa trabaho.
Matud pa ni CSC Chairman Francisco Duque, ang pag-inom sulod sa oras sa trabaho o pagsulod sa trabaho nga nakainom apil sa administrative offenses nga gawas pa sa atubangon nga silot sa habitual drunkenness.
Gitogotan lamang nga mo-inom ang mga empleyado kun adunay programa, special events ug kun may pagsaulog sa mga local customs ug tradisyon.
Apan malt ug wine lamang ang mahimong imnon ug hugot nga gi-bawal ang paghubog-hubog.
Giingong mahimong manubag ang empleyado, apil na ang pangulo sa opisina.
Ang masakpan nga nakainom o naghubog-hubog sa oras sa trabaho mahimong masuspinde og usa hangtud 6 ka buwan sa unang higayon. Samtang kun mausab pa kini, mahimong matangtang na sa trabaho ang masakpang empleyado. (PIA-Bohol/ecb)
