by aimee | Jun 7, 2013 | National News
TAGBILARAN CITY, Bohol, June 07 (PIA)–Gilusad kagahapon sa Department of Health (DoH) ang programang ‘Pilipinas Go4 Health’.
Kining bag-ong programa gigahinan og pondo nga P10 milyon sa DoH.
Matud pa ni DoH spokesman Asec. Eric Tayag, tuyo niining hingosgan ang public awareness ug hugot nga batokan ang mga non-communicable diseases (NCDs).
Gi-apil na usab sa DoH sa ilang mga kampanya ang pagpa-ila ug pag-amping aron dili maapektohan sa novel corona virus nga mipatay na og pipila ka tawo sa Middle East.
Apan gawas sa mga grabeng sakit, giingong mas kinahanglan sa mga Pinoy nga ampingan ang ilang panglawas batok sa diabetes, cancer ug chronic obstructive pulmonary disorder tungod kay mas daghan ang naigo niini sa atong nasud.
Gani, 54% kining mga sakita ang kasagarang hinungdan sa sayong kamatayon sa mga Filipino. (PIA-Bohol)
by aimee | Jun 6, 2013 | National News
TAGBILARAN CITY, Bohol, June 06 (PIA)–Nagpasalamat ang Coalition of Association of Senior Citizens in the Philippines o Senior Citizens Party-list sa gipagawas nga status quo ante order (SQAO) sa Supreme Court (SC) nga nagpahunong sa gipahamtang nga diskwalipikasyon sa Commission on Elections (Comelec).
Una nang gi-pugngan sa SC ang diskwalipikasyon sa Comelec pinaagi sa temporary restraining order (TRO) ni Chief Justice Maria Lourdes Sereno sa proklamasyon sa uban pang midaug nga party-list.
Apan kagahapon, Miyerkules sa buntag, wala ratipikahi sa Korte Suprema ang TRO, apan nipagawas hinuon kini og SQAO alang sa Senior Citizens Party-list ug Abang Lingkod.
Matud pa ni Representative Godofredo Arquiza, pagmatuod kini nga wala pasagdi sa Korte Suprema ang mga mahinungdanong isyu, apil na usab ang mga gidaug-daug.
“Syempre natutuwa po ako, nagpapasalamat po ako sa ating mga justices at hindi po pinapabayaan ‘yung tunay na isyu… Nagpapasalamat po kami sa Supreme Court na talagang maaasahan ng mga taong naaapi.”
Kun padayon nang ma-proklama, duha ka lingkuranan sa Kongreso ang makuha sa Senior Citizens Party-list tungod sa 677,000 boto nga nakuha nila.
Nisaad si Arquiza og daghang programa alang sa mga senior citizens apil na ang pagbaton og representante sa tanang konseho sama sa sistema sa Sangguniang Kabataan (SK) ug pagpatukod usab og general hospital alang sa mga tigulang. (PIA-Bohol)
by aimee | Jun 6, 2013 | Announcements, Headlines
TAGBILARAN CITY, Bohol, June 06 (PIA)–Abli ang tanang buhatan sa Social Security System (SSS) matag Sabado karong buwan sa Hunyo agig paghatag og kahigayonan sa mga amo ug kasambahay nga makaparehistro.
Kini human gilagdaan ni Presidente Benigno ‘Noynoy’ Aquino III ang Republic Act 10361 o Kasambahay Law niadtong Enero 18 ug epektibo na kini sugod adtong Hunyo 4.
Matud pa ni SSS President ug CEO Emilio de Quiros Jr., mang-isyo ang tanan nilang buhatan sa tibuok nasud og SSS number alang sa domestic workers ug household employer ID numbers sa Hunyo 8, 15, 22 ug 29.
Giingong tuyo niining mahimong miyembro ug mahatagan og benepisyo ang mga kasambahay nga naglangkob sa general househelp, yaya, kusinera, hardinero, labandera ug bisan kinsang nagbuhat og domestic work sa usa ka panimalay ubos sa Kasambahay Law ug Social Security Law.
Alang sa mga gustong magpa-miyembro, kinahanglang mag-fill out ug mosumitir og personal record form o SSS Form E-1 sa labing duol nga SSS branch.
Kinahanglang may kasukip kining photocopy sa birth o baptismal certificate, driver’s license, passport, Professional Regulation Commission (PRC) card o seaman’s book.
Gawas sa registration services, modawat usab ang SSS og bayad sa kontribusyon sa mga household employers.
Ubos sa Kasambahay Law, obligadong hatagan og mga social benefit ang mga katabang sama sa SSS, PhilHealth ug Pag-IBIG FUND.
Ang mga employer kinahanglan sa usab nga adunay kontrata sa mga katabang ug ipatala ang pangalan niini sa barangay.
Obligado na usab ang mga amo nga mohatag og 13th month pay sa ilang katabang kun usa ka tuig na kining nanilbihan ug hatagan og 5 ka adlaw nga leave with pay sulod sa usa ka tuig. (PIA-Bohol/ecb)
by aimee | Jun 6, 2013 | National News
THE Philippines and Democratic Republic of Timor-Leste signed three agreements Thursday aimed at strengthening cooperation on foreign relations, education and infrastructure development.
Timor-Leste Prime Minister Kay Rala Xanana Gusmao, who arrived in Manila early morning Thursday, joined President Benigno S. Aquino III in witnessing the signing of the three agreements in Malacañang on Thursday.
One of the agreements signed was the memorandum of understanding on policy consultations between the Department of Foreign Affairs of the Philippines and Timor-Leste’s Ministry of Foreign Affairs and Cooperation.
The agreement was signed by Foreign Affairs Secretary Albert del Rosario for the Philippines and Foreign Affairs and Cooperation Minister Jose Luis Guterres for Timor-Leste.
Also signed was the memorandum of understanding between the Department of Public Works and Highways and the Ministry of Public Works of Timor-Leste.
Secretary Rogelio Singson signed for the Philippines and Minister Francisco de Sousa of the Ministry of Public Works singed for Timor-Leste.
The memorandum of the understanding on teacher training between the Philippine Normal University and the Ministry of Education of Timor-Leste was also signed Thursday.
Secretary Patricia Licuanan of the Commission on Higher Education signed for the Philippines while Minister Bendito dos Santos of Timor-Leste’s Ministry of Education signed for his country.
The Philippines and Timor-Leste already have tie ups in education prior to the signing of the MOU on education Thursday.
Thirty-two of more than 100 Timorese scholars in the Philippines have finished their studies here and have returned to their country to share the insights gained in the Philippines.
Twenty Timorese scholars are graduating this year and they are expected to contribute to Timor-Leste’s development. (PND)
by aimee | Jun 5, 2013 | Headlines, Health and Medicine
TAGBILARAN CITY, Bohol, June 05 (PIA)–Nipasidaan ang Department of Health (DOH) sa mga ginikanan nga bantayan ang ilang mga anak batok sa ‘WILD’ diseases karong panahon sa ting-klase ug ting-ulan.
Matud pa ni DOH assistant secretary Dr. Eric Tayag, uso na karong panahon sa ting-ulan ang gitawag nga ‘WILD’ diseases o Water-borne diseases, Influenza, Leptospirosis ug Dengue diseases.
Ang water-borne diseases mao ang mga sakit nga gikan sa kontaminadong tubig tungod na usab sa mga pagbaha. Daling mataptan niini ang mga estudyante nga mosulod sa eskwelahan.
Matud pa ni Tayag, kun maka-inom og kontaminadong tubig, mahimong magka-diarrhea o cholera ang usa ka bata mao nga angay magbinantayon ang mga ginikanan sa dehydration.
Samtang ang Influenza o trangkaso usab adunay sintomas nga ubo, sip-on ug hilanat.
Apan kun maglisud na o paspas na kaayo ang pagginhawa sa bata, angay na kining dalhon dayon sa tambalanan tungod kay mahimo kining mauli sa pulmonya.
Ug tungod kay gipaabot ang pagbaha sa pagsulod sa ting-ulan, gipa-amping sa DOH ang publiko batok sa Leptospirosis o ang bakteryang makuha sa baha nga kontaminado sa ihi sa ilaga.
Alang usab sa Dengue, maayo nga siguradohong walay lamok nga namuyo sa palibot.
Tambag sa DOH, magsul-ob og long sleeves ug pantalon aron dili mapaakan og lamok. (PIA-Bohol/ecb)
