by anyajulia | Jun 8, 2009 | Headlines, Local News / Bohol Balita
The Provincial Government of Bohol (PGB) is sponsoring another outreach surgical mission courtesy of the Operation Smile Philippines thru Dr. Laurence Loh and Singapore thru Dr. Vincent Yeow. The mission will be on June 29 to July 3, 2009 at the Gov. Celestino Gallares Memorial Hospital.
A 40-man team of credentialed medical professionals composed of plastic surgeons, anesthesiologists, speech pathologists, dentists and nurses from Operation Smile Philippines and Singapore will perform surgeries on children with cleft lip and palate, harelip and other facial deformities during the week-long operations.
All prospective beneficiaries will be screened and will undergo laboratory examinations on June 15-19, 2009 prior to the surgical operations. For inquiries or more details, visit the Office of the Consultant for Health and Social Services located at the Ground Floor, Provincial Capitol Complex, Tagbilaran City. Or contact Tel. No. (038) 501-9196.
Click here for full article.
by anyajulia | Jun 5, 2009 | Foreign Exchange, Headlines
LAKIP sa mga kasabutang nga nalagdaan pinaagi ni Presidente Gloria Macapagal Arroyo tali sa Pilipinas ug South Korea mao ang pagbayloay’g kahibalo ug teknolohiya kabahin sa pagproseso sa hinog nga mangga.
Niini, ang mga tigpang-mangga sa Pilipinas makadawat sa mga teknolohiya sa pagkunhod sa mga hinog mangga nga mangadaut kay sayo nga mangalata.
Amtud ni Agriculture Undersecretary Berna Romulo Puyat, post harvest nga teknolohiya alang sa mangga ang usa ka benepisyo nga nalansang sa pagbisita sa Presidente sa Korea.
May teknolohiya na ang Korea sa pagpugong sa kalihukan sa mga micro-organism ug ang pag-gamit sa ethylene aron patas-on ang kapresko sa mga napupo nga prutas nagdto sa 20-30%.
Sa nahisgutang teknolohiya, mahimo na sa Pilipinas ang pag-export sa prutas nga abot niini ngadto European Union pinaagi sa barko, aron makadaginot sa plete sa eroplano. (rachiu/PIA)
by anyajulia | Jun 4, 2009 | Foreign Exchange, Headlines, National News
DUHA ka Koreano nga kompanya sa koryente ang mipasalig nga mamuhunan og $200 milyones aron makaugmad og gahum dagitab gikan sa hangin dinhi sa nasud.
Ang duha, magdugang sa mga dagkong kompanyang Koreano nga dia na nagpahimutang og negosyo dinhi, sama sa Hanjin Heavy Industries, Inc. alang sa ship building ug sa Samsung (distribution logistics center) nga ania na.
Gipaila sa mga tinubdan nga ang Korea East-West Power Co., Ltd ug ang Export/Import Bank of Korea nga parehas nga naglaraw sa pag-ugmad sa alternatibong tinubdan sa koryente.
Matud sa Philippine News Agency, kapin kon kulang $200 milyones ang pundo nga magamit sa duha ka kompanya ning ilang mga laraw.
Sa laing bahin, dinhi sa Bohol, positibo ang mga local nga pangulo nga ang alternatibong gahum dagitab gikan sa tahop sa humay usa usab ka kasaligang tinubdan.
Si Bise Gob. Julius Caesar Herrera mipalabang nag lakang lehislatibo aron suportahan ang laraw sa paggamit sa tahop alang niini. (rachiu/PIA)
by anyajulia | Jun 4, 2009 | Foreign Exchange, Headlines
“BEST Value for Investment” sa Asya, maoy butyag ni Presidente Gloria Macapagal Arroyo sa mga media sa Korea.
Lakip sa gitumbok sa Presidente nga mga maayong negosyo dinhi ang pagmina, enerhiya, biofuels-fuels, teknolohiya, turismo ug business process outsourcing.
Matud niya, sa Pilipinas lig-ong suporta sa negosyo ang “stable environment, ligdong ug kugihan nga mga trabahanteng makamao mo inengles ug kagamhanang mahigalaon sa negosyo nga gipakita sa iyang kamaayo mohatag ug insentibo alang niini.
Didto sa Korea, gilagdaan usab sa bahan sa Presidente nga naglakip ni Governor Erico Aumentado ug Bol-anong Agriculture Secretary Arthur Yap ang 5 ka tuig nga kooperasyon sa mga kalihukang makapa-ugmad sa panguma dinhi. (rachiu/PIA)
by anyajulia | Jun 4, 2009 | Headlines, Local News / Bohol Balita
LAKANG sa tukmang direksyon, kini maoy gibungat sa mga maglulubi dihang gi-butyag ni Presidente Gloria Macapagal Arroyo ang pagsulod sa Koreano nga kompanya sa coconut based sweetener dinhi.
Kini usab samtang gipalig-on ni Bise Gobernador Julius Caesar Herrera ang pagpahiuli sa kalubihan sa Bohol human sa gipa-uso nga pagkuha sa coco-lumber.
Liboan na ka seedling sa lubi ang napang-apod-apod ni Herrrea, kinsa mao usay Sangguniang Panlalawigan Agriculture Chairman.
Padayong mituo si Herrera nga ang industriya sa lubi kinanghanglang tinud-on sa pagsuporta.
Matud niya, ang lubi sa Pilipinas 59% gihapon sa global nga exports ug naghatag sa 1.14% sa matag tuig nga gross national product.
Samtang didto sa Korea, misaad ang CJ Corporation sa pagbutang ug planta sa coconut-based sweetener dinhi.
Gitumbok nga ipahimutang sa Davao del Sur, ang planta nga mokantidad ug $49M ug makatabang sa 3.5 milyones ka maglulubi lakip na ang kasagarang mga taga Bohol. (rachiu/PIA)
