Young voters who will turn 18 years old by May 2010 can now register. The Commission on Elections (Comelec) has made it clear that young voters will not be able to excuse themselves from participating in the elections, which will take place on the second Monday of May 2010, due to the long registration period given by the Comelec.
BISITAHON sa usa ka taas nga opisyal sa United Nations ang Pilipinas aron maghimog espesyal nga pagtuki sa taho nga may mga kabataang nalakip sa guera sa Mindanao.
Matud ni 4th Civil Relations Group Commander Major Gamal Hayudini, ang Under-secretary of the Special Representative to the Secretary General on Children and Armed conflict nga si Ms. Radhika Coomaraswany nahiabot sa nasud sa Sabado December 7 ug maghimog imbestigasyon hangtud sa 13 2008.
Kahinumduman nga bisan dinhi sa Bohol, may mga kabataang nadakpan nga miangkong aktibong gigamit sa mga rebelde sa gubat.
Niini, suta-on ni Hayudini ang kamatuoran sa mga taho. (rachiu/PIA)
DILI pagpalapad sa mga kalampusan sa Task Force 211 kon dili sa pagpasabot nga aktibo ang kagamhanan pagtutok sa nasumbong nga pagpang-patay sa mga sakop sa media.
Kini maoy patin-an ni DOJ Undersecretary Ricardo Blancaflor sa pasangail sa National Union of Journalists of the Philippines (NUJP), ug kinsa iyan hinuong gi-akusar nga nag-pakabuta-bungol sa nabuhat sa kagamhanan.
Ang paspas nga pagkaresolbar sa mga kaso timailhan lang nga wala magpatuyang ang kagamhanan sa hisgutanan.
Matud ni Blancaflor, ang TF 211 mugna sa Presidente aron tubagon ang mga suliran sa pagpamatay sa mga sakop sa media, ug kini mao nay nahimo sa bahan.
Sumpay niya, ang pagpakatap sa kasayuran kalabut sa magpamatay gitumong aron kadtong may laraw nga maghimog samang salaud, masayud nga gihingusgan na sa kagamhanan ang pagsresolbar ning suliran.
Dugang niini, gipanawagan na ni Blancaflor ang paghiusa sa NUJP sa paghatag solbad sa samang suliran ug dili maghimog lain apng solbaronon. (rachiu/PIA).
KAPIN pa sa usa ka tuig sa dili pa magsira ang pagparehistro sa mga bag-ong botante aron sila makaapil sa nasudnong ug local nga piliay sa 2010.
Kay ang piliay gikatakda man sa ikaduhang Lunes sa Mayo, 2010, walay rason karon ang kabatan-onan nganong dili makaparehistro.
Matud sa Commission on Elections, bisan kadtong mag 18 anyos sa adlaw sa piliay, mahimo nang makaparehistro.
Kahinumduman nga gibuksan Comelec ang pagpanglista niadyong Disyembre 2, 2008, ug magbukas kini hangtud sa 19, dala sa mga adlaw nga way trabaho.
Hinuon, matud nila, mapadayon ang pagpanglista sa Enero 2, 2009, ug mahimo magpalista sa mga oras nga ting-trabaho.
Dugang sa Comelec, magdalag lag identification card ug birth certificate ang magparehistro sa Comelec office. (rachiu/PIA)
MALIPAYON man ang Malakanyang sa labing bag-ong survey nga nagpakita sa pagkubos sa self rated poverty sa katawhan, dili kini, matud pa panahon sa pagpahuway.
Gipagawas sa Social Weather Station (SWS) survey nga mikubos ug 7 puntos ang self rated poverty sa mga Pinoy gikan sa 59% nagdto sa 52 sa survey nga gikuha sa Septembre 24-27.
Niini, gibanabana nga kapin sa 2 milyones ka Pinoy ang napalingkawas sa ilang gihuna-hunang lunang sa kawad-on, subay sa survey.
Napakita usab sa samang survey ang pag-ugmad sa kinabuhi sa mga kabus ilabi na sa ilang kawalay pagkaon.
Gibana-banang 6.9 milyones na karon ang mituo’ng ingon sila niini kalisud, samtang 8.8 milyones silang mituo niini tulo ka buwan lang ang milabay.
Gitumbok ni Jesus Dureza nga ang mga kalambuan, bunga na sa tabang sa kagamhanan pinangulohan ni Presidente Gloria Macapagal Arroyo ngadto sa mga kabus. (rachiu/PIA)
