by anyajulia | Nov 8, 2008 | Headlines, National News, Price Updates
GIAPROBAHAN na sa Land Transportation Franchising and Regulatory Board (LTFRB) ang P.50 nga kaltas sa pletehan a alang sa unang 4 ka kilometro alang sa jeep ug P1.00 alang sa bus, sugod sa Miyerkules Nob. 5 sa tibuok nasud.
Butyag ni Transportation and Communications Secretary Leandro Mendoza, ang pagkunhod sa pletehan subay sa mandu ni Presidente Gloria Macapagal-Arroyo aron mapakanaug na usab ang bili sa produkto ug serbisyo ilabi na sa nagsingabot nga Pasko.
Dinhi usab sa Tagbilaran, gipaabot nga ipaubos usab sa Konsaho ang pletehan dala sa nasudnong pagpa-ubos sa pletehan.
Kini usab samtang gipadayag na usab ni Presidente Arroyo ang laing pagkunhod sa presyo sa gasoline ug LPG.
Gipaabot usab nga kini magsugod sa mga magkunhod usab sa presyo sa nag-unang paliton. (rachiu/PIA).
by anyajulia | Nov 8, 2008 | Headlines, National News
GIPAGAWAS sa Department of Budget and Management (DBM) ang P11.6 bilyones nga pundo agi ug katunga sa yearend bonus ug cash gift ngadto sa kapin sa usa lka milyon ka empleyado sa kagamhanan.
Matud ni Budget Secretary Rolando Andaya Jr. ang pundo magpaneguro nga may ikapamasko ang mga empleyado sa nasudnongng ahensya, state universities ug colleges (SUCs), empleyado sa GOCC, GFI ug local government units.
Ang yearend bonus katumbas sa usa ka buwan nga sweldohan samtang ang cash gift alang sa mga trabahante mokabat sa P5 mil.
Gibanabana nga ang katunga sa bonus labing sayo nga madawat sa mga empleyado sa petsa kinse o dili pa ang petsa 30 sa Nobyembre.
Gilantaw usab nga ang mga bonus karong tuiga mas dako dala sa 10% nga pagtaas sa suholan sa mag empleyado.
by anyajulia | Nov 7, 2008 | Headlines, National News
Ang Department of Trade and Industry (DTI) mo-“monitor” o mo-bantay sa mga presyo sa mga nag-unang pamaliton aron malikayan ang “overpricing”.
Mao kini ang gibutyag ni Kalihim Peter Favila, samtang iyang gi-awhag ang mga mamimili nga itaho sa DTI ang mga tindahan nga namaligya nga labaw sa saktong presyo, labina nga nagsingabot na ang pasko.
Matud pa ni Favila, aduna nay mga taho ug tima-ilhan nga adunay “overpricing” sa mga produkto, labina ang para pang “noche Buena”.
Base sa balaud, mamahimong sakahan ang presyo sa pamaliton basta dili mo-labaw sa 10%. Ang molapas niini, kasohan ug “profiteering”, dugang ni Favila. (PIA/Bohol)
by anyajulia | Nov 7, 2008 | Headlines, National News
Presidente Gloria Macapagal-Arroyo mao ang pangunang mamumulong sa Local Peace and Security Assemblies (LPSA) para sa Rehiyon III adto sa Subic. Mao kini ang ika-20 ka LPSA nga gihimo sa kagamhanan.
Ang maong tigum paga-tambungan sa mga opisyales sa lokal nga pamunuan ug mga nagkalain-laing sektor sa komunidad nga ang tumong ug tuyo mao ang pagila ug solusyon aron makab-ot ang kalinaw ug kaugmaran.
20 na LPSA ang gimugna, sugad nga gilusad kini sa Tagbilaran City, Bohol niadtong Agosto 2007, ang pinaka-unhang LPSA.
Ang lalawigan sa Bohol gidayeg sa Presidente sa nagkalain-laing kalihukan para sa kalinaw nga nakasumpo o naka-menos sa mga kalihukan sa komunistang NPA sa lalawigan.
Ang LPSA’s ma’oy pama-agi sa nasyonal nga pangagamhanan ngg pagahimu-on sa lokal o rehiyonal nga pamunu-an, ug ubang mga sektor aron makab-ot ang kalinaw ug kaugmaran sa maong dapit. (PIA/Bohol)
by anyajulia | Nov 7, 2008 | Headlines, Local News / Bohol Balita, Weather Coverage
PADAYON nga giisa ang storm signal number 1 sa mga lalawigan sa Sentrong Kabisay-an samtang nasinati ang bagyong “Quinta” karong adlawa, Nobyembre 6.
Ang bagyong “Quinta” una nga nasigpatan sa kasubangang Mindanao ug nahimong bagyo nga mitadlas sa gikusgong 18 kilometros matag oras ug may huros nga makabat sa 45 kilometros duol sa tunga niini, matud sa PAG-ASA.
Ugma sa bunta, ang bagyo gibanabana nga atua na sa 120 kilometros sa timog kasadpan sa syudad sa Ilo-ilo.
Tungod niini, uban sa Bohol, giisa usab ang storm signal no. 1 sa mga lalawigan sa Sugbo, Negros Oriental ug Siquijor.
Dungan niini, may pag-ulan nga masinati sulod sa sunid nga 12 oras nga mahimong magdala ug baha ug pagpangalaka sa yuta.
Niini, gitambagan sa Regional Disaster Coordination Council (RDCC) nga mga nanimuyo sa mga delikadong lugar sa pagbantay. (rachiu/PIA)
