by anyajulia | Sep 5, 2008 | Headlines, National News
SA dili madugay, makapagawas na ang Pilipinas sa mga hayupan human madeklara ang nasud nga luwas sa foot-and-mouth disease (FMD), butyga ni Agriculture Secretary Arthur Yap.
Kon matuman na, kini pay labing una nga higayon sa Pilipinas.
Matud ni Yap nga ang Visayas ug Mindanao una na nga nadeklara isip luwas sa FMD, ug mao nga Luzon na usab ang gitutokan sa kagamhanan nga madeklara nga wala nay FMD nag kasagarang motakboy sa baboy, kabaw ug baka.
Niini gibutyag nga usab niya ang plano nga pagpamaligya ug nga produkto sa hayopan gikan sa General Santos City ug Davao ngadto sa Singapore.
Uban sa laraw, buot ni Yap nga ikasabot ang pribadong sekto nga mamuhunan sa mga ihawan, refrigeration ug pasilidad sa pagproseso sa karne aron uswagon ang kahimtang sa nasud sa pangkalibutang palit sa hayupan. (rachiu/PIA)
by anyajulia | Sep 5, 2008 | Headlines, National News
MIPASIDAAN ang pangulo sa Joint Task Force Comet sa katawhan nga dili unta magpailad aron magpasakop sa Moro Islamic Liberation Front (MILF).
Matud ni Commander Maj Gen Juancho Sabban, giilad sa MILF ang katawhan sa dihang ilang gisa-aran ang magpasakop sa MILF nga isukip sa Armadong Kusog sa Nasud.
Una na nga gikataho human sa gihugonhugon nga hisgutay sa kalinaw sa 2001 nga ang mga sakop unya sa MILF itipo sa Armadong Kusog human malagdai ang kasabutan kabahin sa Mindanao.
Gipangayuan usab ang matag kandidato sa dos mil ka pesos, agi ug sinudlan, Matud ni Maj. Sabban.
Matud niya, tataw na nga ang pagpang rekrut sa MILF aron palig-onon ang ilang kahugpungan sa milabayng mga tuig igo na nga timailhan nga tinuod ang nahaunang taho kabahin sa laraw niining batukan ang kagamhanan. (rachiu/PIA)
by anyajulia | Sep 5, 2008 | Headlines, National News
KAMUGNAAN sa mga sentrong bansayanan sa katapus alang sa kapanginabuhian ang tanyag human napasupot sa Ubos Balay Balaoranan ang balaod nga magpahiluna ning panginahanglan aron patas-on ang kita sa mga kabus.
Kini human makalabang sa katapusang pagbasa ang House Bill no. 4349, o ang “Barangay Livelihood and Skills Training Act of 2008” magtukod ug magpadumala sa mga skills training centers sa matag fourth, fifth ug sixth class nga lungsod, ilabi na niadtong naa pa sa taas nga antas sa kawad-on.
Tumong sa balaod nga ipakanaug ang tabang sa kagamhanan ilabi na sa mga imprastraktura ngadto sa mga lugar nga mas nagkinahanglan niini.
Gipaneguro usab sa balaod nga magkatagbo na ang tanang paningkamot subay sa laraw sa kagamhanan aron hiusahon ang mga lakang batok sa kawad-on, segun sa mga tinubdan.
Gimandu usab ang katukoran sa Municipal Advisory Board ubos sa mayor, kinsa magtabang sa katukoran ug magmintinar sa Center. (rachiu/PIA)
by anyajulia | Sep 5, 2008 | Headlines, National News
GIKONDENA sa mga Maranao pinangulohan ni Lanao Del Sur Provincial Governor Mamintal “Bombit” Adiong, Jr. ang pagpanghasi, pagpamataysa mga inosente ug paglumpag sa mga kabtangan sa mga rebeldeng sakop sa Moro Islamic Liberation Front (MILF)
Gipasabot ni Adiong nga ang salaud ni Commander Bravo ug iyang ginsakopan batok sa mga Kristiyanos sa Lanao del Norte dili iya sa Islam ug wala magpasabot nga may panagbangi tali sa mga Muslim ug Kristiyano.
Kini samtang iyang gidason nga panaghisgutay pa gihapon ug dili sumbohan sa armas ang solusyon sa dugay na nga pagpangitag identity sa mga Muslim kay niini, masugnoran pa hinuon ang sitwasyon.
Kini usab samtang gitambongan sa baga nga katawhan ang peace summit nga gi-rganisa sa Iligan City government ug sa Muslim-Christian Multi-Sectoral Movement for Peace and Development sa Mindanao. (rachiu/PIA)
by anyajulia | Sep 5, 2008 | Headlines, National News, Price Updates
Mapasalamaton ang Malacanyang nga sa katapusan nabati na ang pag-kunhod sa presyo sa lana sa nanglabayng pipila ka adlaw.
Kini samtang giangkon sa mga major oil players nga ang pagkubos sa presyo sa lana gikan sa gawas nakatukmod usab kanila nga ipa-ubos ang presyo sa mga gasolinahan.
Gipasabot ni Presidential Management Staff Director-General Secretary Cerge Remonde nga walay kontrol ang kagamhanan sapresyo sa lana kay deregulated kini nga industriya ug mag-agad gayud sa presyo sa palait gikan sa gawas.
Sa mas ubos nga presyo sa lana sa Agosto kon itandi sa Hulyon gipapakanaug sa piso ang lito sa gasoline, krudo ug gaas sa Pilipinas Shell Petroleum Corp., Petron Corp., Chevron Corp. ug Seaoil Philippines, Inc. (rachiu/PIA)
