by magnolia_eic | Aug 18, 2011 | Headlines, National News
TAGBILARAN CITY, Aug. 17 (PIA) – GISEGURO gahapon sa lider sa Senado ug Kamara nga hatagan niini og prayoridad ang 13 ka balaodnon nga gitumbok nga priority measures ni Presidente Benigno Aquino III sa gipahigayon nga Legislative-Executive Development Advisory Council (LEDAC) meeting gahapon sa Malacañang.
Nagkauyon silang Senate President Juan Ponce Enrile ug House Speaker Sonny Belmonte nga tun-an og maayo ug hatagan og prayoridad ang gitumbok nga 13 ka priority bills sa LEDAC meeting.
Apil sa 13 ka priority bills ang paghatag og proteksiyon sa mga katabang sa panimalay, expansion sa science and technology scholarship programs, amendments sa Rural Electrification Law, sin tax, amyenda sa Human Security Act & Data Privacy Act, ug apil na usab
ang Responsible Parenthood (RP) bill.
Samtang dismayado ang ubang senador human wala gi apil ang Freedom of Information Bill (FOI) sa mga priority measures sa Malacanang.
Nagtuo si Senate Majority Leader Tito Sotto nga inay iduso ang Reproductive Health bill, mas angay hatagan og prayoridad ang FOI bill nga gilauman nga makatabang usab sa pagsumpo sa korupsiyon sa nasud.
Sa maong balaodnon, mas mapadali ang pagkuha sa mga dokumento sa gobyerno. (PIA-Bohol/ecb)
by magnolia_eic | Aug 17, 2011 | Announcements, Headlines, National News
MALACANANG has declared August 29 (Monday) and August 30 (Tuesday) as Non-working holidays throughout the country in relation with the upcoming celebration of the National Heroes’ Day and in observance of Eid’l Fitr (Feast of Ramadhan).
According to Proclamation No. 234, August 30, 2011 is confirmed to be a Non-Working Holiday in the Philippines for Eid’l Fitr, the celebration of the end of Ramadan which is the Muslim’s holy month of fasting.
The proclamation, which was signed on August 11, this year by Executive Secretary Paquito N. Ochoa Jr., was issued in line with the Republic Act No. 9177 that declared Eid’l Fitr or Feast of Ramadhan as a regular holiday throughout the country.
Ramadan started last August 1, 2011 and is set to end on August 30, 2011.
President Benigno S. Aquino III also declared August 29, 2011 which falls on a Monday, also as a regular holiday in celebration of National Heroes Day or Araw ng mga Bayani under Proclamation No. 84.
Another holiday in August is the celebration of Ninoy Aquino Day on August 21, 2011. The List of Holidays in the Philippines provided that Ninoy Aquino Day will be celebrated on its rightful day.
August 22, 2011 which is the Monday after Ninoy Aquino Day will be a regular working day. (PIA)
by magnolia_eic | Aug 17, 2011 | Announcements, Headlines, National News
TAGBILARAN CITY, Aug. 16 (PIA) – GI-AGHAT sa Commission on Audit (COA) ang publiko sa pagtabang sa pagsumpo sa mga anomaliya sa gobyerno.
Sa usa ka radio interview, gi-aghat ni COA Chief Grace Pulido Tan nga i-report sa COA citizens’ desk ang impormasyon nga nahibaw-an sa publiko sa pag usik-usik sa pondo sa gobyerno.
Matud pa ni Tan nga daku ang matabang sa mga katawhan kun isumbong nila ang tinuod nga nahitabo nga mahimong gamiton nga basehan sa himuong imbestigasyon.
Giseguro niya nga dili angay mabalaka ang mga “tipster”.
Gihisgotan usab ni Tan nga gikonsidera usab sa komisyon ang pagtangtang na sa mga resident auditor sa nagkalain-laing ahensya sa gobyerno aron malikayan ang pagkasuod na sa ahensya ug sa COA personnel nga maule sa suhulan ug pagtabon sa anomaliya.
Gipahayag ni Tan nga magtakda na lamang sila og field work sa mga ahensya. (PIA-Bohol/ecb)
by magnolia_eic | Aug 17, 2011 | Announcements, Headlines, National News
TAGBILARAN CITY, Aug. 16 (PIA) – GIMANDUAN na sa Department of Foreign Affairs (DFA) sa pagbakwit ang tanang Pinoy nga nagtrabaho o nagpuyo sa Syria.
Gipasaka na sa DFA sa Alert Level 3 ang sitwasyon sa tibuok Syria tungod sa nagka-grabeng kagubot didto.
Matud pa ni Foreign Affairs Secretary Albert del Rosario nga abagahon sa kagamhanan ang tanang galastohan sa repatriation.
Gimanduan na ni Del Rosario ang Embahada sa Pilipinas sa Damascus nga hingusgan ang komunikasyon sa mga Pinoy sa Syria ug kumbinsihon sila sa pagbiya na sa nasud.
Gihingusgan pa sa security forces ni Syrian President Bashar Al-Assad ang pag-atake sa Port City sa Latakia aron bungkagon ang mga protesta batok sa pangulo diin 34 na ang nangamatay. (PIA-Bohol/ecb)
by magnolia_eic | Aug 17, 2011 | Announcements, Headlines, Health and Medicine, National News
TAGBILARAN CITY, Aug. 16 (PIA) – NANAWAGAN na ang Department of Health (DOH) sa mga lokal nga kagamhanan sa pagbukas sa ilang mga health centers matag weekend alang sa dengue screening tungod sa pagsaka sa kaso ng dengue sa nasud.
Matud pa sa tigpamaba sa DOH nga si Eric Tayag, kini aron mapugngan ang “overcrowding” sa mga pasyente sa mga tambalanan.
Gitataw ni Tayag nga ang weekend screening sa dengue alang sa hinanaling treatment sa mga dengue cases sa ilang mga kabalayan.
“We are appealing to LGUs that health centers be open on weekends so patients can be screened,” matud pa ni Tayag.
Nauna niini, natala na sa DOH ang 45,333 ka kaso sa dengue sa tibuok nasud sukad Enero hangtud Agosto ning tuiga, apil na ang nadugang nga 6,000 ka kaso sa katapusang duha ka semana.
Apan matud pa sa DOH nga mas ubos pa gihapon kini og 33.5% sa milabay nga tuig nga kaso nga mikabat sa 68,186 sa susamang bulan. (PIA-Bohol/ecb)
